عزله ..

[أحمد بن مرجي]

أذكروني وجه من دون اعتراف بذاتي
...................... واكتبوني رقم ثابت في عداد الذكرى


واسلبوا كل الأماني واحفظوا آهاتي
..................... لجل تحفظ جينة أحلامي قبل ماتشرى


ونادوا لكل العيون اللي قرت مشهاتي
..................... وأكتبوا ( قلب وتفانى ) مع راوية بكرى





.

 

[أحمد بن مرجي]

.

.


.

.

لو نال قلبي جزا اللي سوّت يديني
................. ماكان روحي بوجه ( الغبن ) متّسمه

.

.

..

 

[أحمد بن مرجي]

نافذة ضو


.

.



.

ظايق وادوّر نافذة تبعث الضَو
...............تجرفني ضفاف الأمل وتحذفني

يدور بي جوّي وْيِفقِدني الجَو
...............وآقاومه / بس البلا ثقل جفني

ماعاد بي يامن هقى فيني القُو
...............مَرمِي على فراش المـُعاناة شفني

ماقول اَنا اكثر من على الأرض عانو
....................لكن جروحي شاهده / تعترفني

ياللي صحبني يوم روحي بها نو
.................اليوم لجل يعزّك الوقت عفني

مكتوب / واللي خطته دنيتك سو
...............ياللي تحاول من سنين تعَطفني

لاَ تقول لي شمس الوعد شارقه تو
...............طفني قبل يستاحش الليل / طفني

الريح تجلب طاري اللي تعدوا
...............واللي تعدوا ذكرهم (حيل) يفني

راهنت تيّار القدر انهم جَو
...............وادري بْيَبقى رهني ليوم دفني

متعنّيه عيني / تبي نافذة ضو
...............مابين تسكير النوافذ وجفني

.


.

 

[أحمد بن مرجي]

بعض القصايد / كنّها طَعـن سكين
.................... لا حوّلت من سَهو الانفُس جهَدها


تستافي المَقْصد وتستَبسِل العين
..................... ودّك تقبّـل رَاس منهُو قصَدها




.

 

[أحمد بن مرجي]

.









الشِّعر مجنون ماهو ياحبيبي أنــا
.......................... شف كيف في جعبته جمّع هواك وهواي



ولاّ هوَا الشِّعر لو نستنشقه مانهنــا
........................ يسري بدمّك عنا , لين يتجاذب عناي




.


.


.

 

[أحمد بن مرجي]

هَجِر هَجِر / وَانترك اُرمَى أعيش الهَجِر
......................هَجِر , أنا : والشحوب ( معاهده ) ياحـــرام !


يمُر طاري الليالي الماضيات الظجِر
......................ويُلْقِي على جروحِي مْنَ الحِقد / سمّ الســـلام


يحرمني مْنَ المبيت إلين اَشوف الفجِر
................... ويكتب نهايات شوفي / في صباح العَـــدَام

..

 

[أحمد بن مرجي]

.



اليوم غير اليوم غير
اليوم : ماكنت أظمنه ..
كل يوم كنت أكبر واصير , زايد عن الأول بيوم ,
واليوم صرت أكبر سنه !

,

سنه سنه مع الظنون العاجزه والممكنه ,
أسدد ديوني لها / من سالف أيامي قصييييد وسلطنه .
وأصير أنا والنزف هذا / قطف بخُطَا مقطوف , في صومعه من خوف ,
متحالفين بهيمنه , و مايعترينا خوف .

,

اليوم الأحلام تغَدي متوافده للماضي , مستافيه صحوة غَدي .
اليوم صرت أقرب سنه من البدايه للنهايه , و من المهد لين اللحد ,
وابعد عن الماضي بعد , وابعد بعد عن مولدي .
يآآآ هالزمـان الجرهدي .

,

ياهالسنه تسرين بي , مثل السنين اللي مضن
لاعوضن ولا قضن !
واصير انا شمّاعة دروب العنا و الأزمنه
مابين حلم ٍ ينبنى , ومابين حلم ٍ أظمنه .

,

وأنا الرسول اللي نسى رسالته مع المدى
ولا سمع منها ندا ولا أسعفته طيوف !

,

كل المراسيل اللي تكدس حبرها على ورقها , شف زيف الاحلام يحرقها ,
بعد ماهي تلعنه ,
ولا بقى له قلب / يكفيه شر السلب ,
ولا بقى له شفّ روح يصاحبه
ويطمّـنه
ويطمّـنه
ويطمّـنه
ويطمّـنه

 

[أحمد بن مرجي]

.


.



قلوبنا الشاهده



أمس امتِذَكـّرْك / وَامس تقول اَنا لك طريت
............... من قدنا , حظنا , بقلوبنا الشاهده



تجود يالجُود حتى لو سليت ونسيت
............... وتهيّض الشوق لين عيوني تشاهده



عنيت الأعيان خلف مواصلك لاعنيت
............... وآنا على آثار وصلك خطوتي جاهده



تروف لاجيتني تقسى بي اليـا جفيت
............... قلي متى تستريح جفوني الساهده



مثل الحياه الكسيفه في معاليق ميت
............... مايذبح الرجل غير ظروفه تلاهده



وانا عشان المشاريه أجبرتني عفيت
............... واجبرت يد الشعر من يدّي الزاهده



ان كان ماينحني لعيونها ألف بيت
............... رحلة قصيدي / وأنا وبيوتي "معاهده"