(........................ ) يتصل بك ...!!

[علي المحمد]

( 10 )


( آخر العنقود ) يتصل بك


آخر العنقود : علي

علي : هلا حبيبتي وش فيك

آخر العنقود : <<<<<<<<<<<<< بثالث ابتدائي و تبكي

علي : <<<<<<<<<<<<<<<< الإتصال الساعه ( 3 ) الفجر ونايم وحاط ايده على قلبه مايدري وش السالفه

بسم الله عليك وش فيك !!!

آخر العنقود : دفتري ياعلي

علي : عيدي ماسمعتك

آخر العنقود : دفتري انت وش فيك ماتسمع

علي : هههههههههههههههه شفيه دفترك نسيتيه بالمدرسه

آخر العنقود : لا بس اختي فلانه مخبيته عني ومو راضيه تعلمني وين

علي : الحين مصحيتني من نومي و فاجعتني عشان دفترك مخبيته اختك اللي اكبر منك بسنه

آخر العنقود : انت مو تحبني

علي : ايه احبكم كلكم واحب دفاتركم وكتبتكم ... الله يعينني عليكم بس

من اللي عندك يضحك !!!

آخر العنقود : ماعندي أحد

علي : من اللي عندك اكيد كالعاده فاضين وتبون تصحوني من النوم انتي والشيطونه اللي سارقه دفترك

آخر العنقود : علي انت مو تحبني

علي : ايه احبك ياشيطونه ... بس زعلان منك لأن اللي سويتيه غلط

آخر العنقود : أحسن عشان انت صار لك ثلاث ايام ماتكلمني بعد مااطلع من المدرسه ولا تدلعني

علي : خلاص بكلمك كل يوم وأدلعك

آخر العنقود : وتجيب لي ألعاب وحلويات !!!

علي: أجيب لك كل اللي تبينه

آخر العنقود : بس أنا

علي : ايه بس انتي والباقين مااشتري لهم شي

آخر العنقود : وتشتري لي بطاقة شحن عشان اكلم صديقاتي وبنات عماتي

علي : ان شاء الله كل حاجه تبينها بجيبها بس بشرط ماعاد تسوين اللي سويتيه اليوم وتصحيني

من نومي وانتي تبكين لأني أخاف عليكم حسبت فيكم شي

آخر العنقود : خلاص اتوب وماأسويها ياللا روح نام

علي : تصبحين على خير

آخر العنقود : وانت بخير




<<<<<<<<<<<<< طار عنه النوم وحن قلبه وخانته دمعه

 

[علي المحمد]

(11)






( أم فيصل ) يتصل بك ....



أم فيصل : السلام عليكم


علي : وعليكم السلام هلا بالغاليه


أم فيصل : تقبل الله ياعلاوي


علي : منا ومنك يارب


أم فيصل : لقيت حجزك بمكه هيلتون


علي : ماقصرتي ياخاله انتي وابو فيصل بس والله زعلت منكم


أم فيصل : ليه !!


علي : أنا قلت احجزو لي بس ماقلت احجزو وإدفعو ليه تدفعون

وبعدين السويت مررره كبير علي وانتي تعرفين اني عادي انام بسرير أطفال ويكفيني


أم فيصل : هههههههههههههههههههههه تتهنى يارب أهم شي لاتحرمنا من دعواتك


علي : دعيت ياخاله ان زوجك مايتزوج عليك انتي وخالاتي كلهم

قلت يارب اشغل ازواجهم بأنفسهم وافتنهم في محبتهن ولاتزوجهم غيرهن امانه ياخاله لاتعلمين ابو فيصل أخاف يكلم حقين الفندق ويخليني أدفع الأجار


أم فيصل : هههههههههههههههههههه ياعلي انت متى بتتوب من حركاتك وهبالك


علي : الله يخليك لي ياخالتي أنا اللي أحتاج دعواتك


أم فيصل : والله ياعلي أدعي لك مع عيالي وغلاك أنت تدري به ... اذا نزلت لجده علمني


علي : ان شاء الله ياخالتي سلمي على ابو فيصل وعلى عيالك


أم فيصل : يبلغ ياقلب خالتك انتبه لنفسك


علي : ان شاء الله فمان الله


أم فيصل : فمان الله وحفظه شبيرتي


علي :

 

[علي المحمد]

(12)






( فهد ) يتصل بك ....



فهد : السلام عليكم


علي : وعليكم السلام أهلتن وسهلتن


فهد : وينك بسرعه !!


علي : بالسياره بطريق الملك بجده وجنبي راعي يوكن وبنوقف عند الاشاره الحين


فهد : هههههههههههههههه قول بجده ويكفي مابقى الا تعلمني من اللي راكب باليوكن


علي : اللي بـ اليوكن سواق ومعاه سكر نبات قصدي بنات


فهد : ههههههههههههه غض البصر يالشبيره


علي : وش تبي بسرعه مواعد سلطان وتركي بالمقهى ابي أدق عليهم أشوف هم وين


فهد : يقولون انك صاير ليبرالي


علي : إيه أنا وتركي الحمد وجهان لعمله واحده وناكل من صحن فول واحد ونفس الطول كلنا شبيرات

فهد : هههههههههههههههههههه لا بجد ياعلي صدق هالكلام


علي : انتم وش جايكم علي كل شوي واحد متصل ويستهبل

أمس طالباني واليوم ليبرالي وباكر الله يستر لا يدق أحد ويقول سمعنا انك كاثوليكي


فهد : ههههههههههههههههههههههه طيب وش تعرف عن اللبراليه عندي بحث وابيك تساعدني


علي : طيب اسمع انا بعطيك تعريف عن اللبراليه وفكني من شرك

اللبراليه يافهد انك تاكل خبز وجبن بسيارتك وانت رايح للدوام ومعاك عصير ربيع وتوقف عند الإشاره وتشوف بنت حلوه تسوق رانج روفر وفاتحه علبة المكياج وتحط روج ومسكره بدال ماتشوف لك هندي جنبك بالاشاره ويلعب بخشمه وتحوم كبدك


فهد : ههههههههههههههههههههههههههههه


علي : اللبراليه هي انك تدخل السوبرماركت تبغى تشتري دخان وموس حلاقه
وقتها بيقتلب مخك ما تدري أنت داخل سوبرماركت وإلا داخل قصر أفراح
يعني بالعربي عبايات مافيه جنزات وفساتين وتنانير
و جوالاتك مفصووووووله من قوة الفواتير


فهد : ههههههههههههههههههههههههههههه وناسه


علي : وش تحس فيه أنت !!


فهد : أحس اني دبلت كبدك


علي : ياحبني لك صح دبلت كبدي وأحس انك لو كتبت كلامي ببحثك راح تآخذ حرمان من الماده


فهد : هههههههههههههههههههههههههههه انتبه لنفسك وسلم على سلطان وتركي


علي : يبلغ ان شاء الله وانت سلم لي على عمتي وحب لي راسها


فهد : ان شاء الله ... فمان الله

علي : فمان الله

 

[علي المحمد]

[ 13 ]


[ تميم ] يتصل بك ....


تميم : الو

علي : الو

تميم : السلام عليكم

علي : السلام عليكم

تميم : الووووووووو علي تسمعني

علي : الووووووووو تميم تسمعني

تميم : ياشبر تستهبل انت ووجهك

علي : هههههههههههههههههههههههههه هلا تميم

تميم : الحمد لله على السلامه نورت الرياض والله ياعلي

علي : أدري

تميم : هههههههههههههههههههههههه الله يعين بس .... متى بتجي للإستراحه يالحوت

علي : حوووووووووت هههههههههههههههههههه أنا سردينه أي حوت ياتميم

تميم : ههههههههههههههه الله يرج ابليسك تصدق لايقه عليك سردينه ... اي واحد يروح جده ويغوص أنا اسميه حوت

علي : تبي الصدق ياتميم انا لو اني حوت واشوفك بالبحر والله ما أبلعك

بيجيني تسمم

تميم : ههههههههههههههههههههههههه قويه

ياليت كل الحيتان مثلك كيف الغوص ياعلي ؟

علي : بصراحه فاتك ياتميم طلعنا من 7 الصباح ومارجعنا الا على الغروب بجد ياتميم

كل شي كان خيالي وكان عددنا كبير مره تقريبا بحدود الثلاثين وكل شي متوفر ... القارب دورين

افطرنا وتغدينا بالبحر ... بعضنا نزلو يغوصون وبعضنا كانو يصيدون سمك ... طبعاً أنا مانزلت للغوص اكتفيت بالصيد بس

تميم : ليتني معكم ياعلي بس ان شاء الله المرات الجايه

علي : ان شاء الله يالغالي

تميم : بتجي اليوم للإستراحه !!

علي : ماراح اجي الا بشرط

تميم : ؟؟؟

علي : إذا دخلت اسلم على العيال ووصلت عند فهد لا تحط مركى ياهيوان ترى أنحرج

تميم : ههههههههههههههههههههههههههههههههههههههههه طيب يالشبيره

تعال ويصير خير فمان الله

علي : لحظه لحظه

تميم : سم

علي : اليوم عيد الام ياتميم خلك ذوق وحبوب

وانا اقترح توديها للجسر المعلق والا طريق الشيخ جابر الصباح وتوقف عند سيارة ايس كريم

وتشتري لها ايس كريم بسكوت وتقول لها (هابي ماذر دي) يا أمي صدقني بتدعي لك يالداشر



تميم : هههههههههههههههههههههههههههههههههههههه وربي فكره حشاشه

طيب انت وش بتسوي بعيد الام

علي : بلعب انا واياها كيرم وبخليها تفوز تميم امي حطت الغداء على السفره لازم أقفل

اشوفك الليله ياطخمتي

باي

 

[علي المحمد]

[15]


[ تركي ] يتصل بك ...



تركي : سلام

علي : وعليكم السلام هلا تركي

تركي : هلا بك أخبارك

علي : تمام ياتركي كم الساعه الحين

تركي : الساعه الحين خمس الفجر

علي : عسى ماشر فيه شي صاير ياتركي

تركي : معليش صحيتك من النوم أبد مافيه شي بس أبي أسألك عندك مكينة أسد

علي : هههههههههههههههههههههههههه أسد يعض راسك ان شاء الله

تركي : هههههههههههههههههههههه بجد عندك وإلا ماعندك

علي : عندي لصقة الأسد ولصقة جونسون بحطهم على فمك عشان ماعاد تصحيني من النوم

ليه تبي مكينة أسد عندك قطو تبي تعدل فيه

تركي : هههههههههههههههههههههههه لا والله ياعلي اتكلم جد أقصد مكينة خياطه ماركة الأسد أو الفراشه

علي : لو عندي كان جبتك و سحبت براطمك وثبت الابره عليهم وصرت رايح جاي بإبرة المكينه عليهم

والله لو يجتمع الدكتور الربيعه وفريق فصل السيامين اللي معاه مايفكون الخياطه من فمك

أنتم وش جاكم انهبلتو !! مافيكم عقول !!

تركي : هههههههههههههههههههههههههههه ماتنتحارش يالشبيره

علي : حرام عليك الحين ماراح يجيني النوم

تركي : طيب ممكن طلب

علي : سم

تركي : عازمك اليوم على فوتشيني ولازانيا بالمطعم الإيطالي يحبها قلبك

علي : ههههههههههههههههه كالعاده ياطلاب جامعة البترول تعزموننا وحنا ندفع الحساب

تركي :

علي : خلاص وعدنا هناك ولا تنسىتجيب معاك ( تنر ) و ( مسحه طبيه ) عشان امسح رقمي من جوالك يامزعج



تركي : باي

علي : باي

 

[علي المحمد]

[16]



( نايف ) يتصل بك ...



نايف : السلام عليكم

علي : وعليكم السلام هلا نايف

نايف : يقولون حاطينك بكاس مويه دافي

علي : حطوك بغوانتنامو ونسوك يا قليل الأدب

نايف : ههههههههههههههههههههههههههههههههه سلامات والله

باين الأنفلونزا لاعبه فيك

علي : ايه باقي خمس دقايق ويصفر الحكم لعبت فيك جنيه انت وزوجتك

وش تبي متصل تتطمن وإلا تتشمت

نايف : ههههههههههههههههههههههههههههه لا بتطمن ياخال عيالي

علي : والله لعيالك الشرف اني اصير خالهم انت بس خلهم يكبرون اذا ماخليتهم وانت تاكل علك يحددون سكسوكتك

نايف : ههههههههههههههههههههههههههههههههههههههه الله يعينني عليك يابو لسان

انت متى بتجي للرياض !!!

علي : مدري يانايف احتمال كبير ما اجي هالاسبوع عندي أشغال لازم أخلصها

نايف : الله يعينك عموما بس حبيت اتطمن عليك

علي : ربي يطمن قلبك بطاعته

نايف : آمين وياك ... تامر شي

علي : ايه

نايف : سم آمر

علي : أبي أشرطة عدنان ولينا ياخي وحشني عبسي

نايف : هههههههههههههههههههههههههههههههههه لا لا واضح .... لاعبه فيك الحراره

علي : بجد دبرهم لي والله يانايف طفش وزهق قبل أمس قاعد أعد النملات عند الدرج

وصلت 28 وبعدين جو نملتين وخربو الطابور وبغيت انهبل

نايف : ههههههههههههههههههههههههههههههههههههههههه يالشبيره لاتكذب قل انك قاعد تلعب معهم

علي : هههههههههههههههههههههههههه ايه ألعب معهم وش فيها

أصلاً وحده من النملات مرت من عندي قالت الله يعافيك

ممكن تشيل معاي سكر وأعطيك بوسه

نايف يالله رح انا مقدر أضحك حلقي يوجعني

نايف : هههههههههههههههههههههههههههههه ياحبي لك ماتشوف شر

علي : انتبه لإختي وبنتها فمان الله

نايف : فمان الله

 

[علي المحمد]

[ 17 ]



( أحمد ) يتصل بك ....


أحمد : السلام عليكم

علي : وعليكم السلام هلا ابو حصه

أحمد : هلا بك .. أخبارك

علي : مندبله كبدي والطفش لاعب بوجهي بوكسينق

أحمد : أنت وينك الحين

علي : أنا بالخبر قبل شوي مريت على اسماعيل المصري

اللي بملحمة مكه أخذت من عنده اثنين كيلو لحم نعيمي أبي أطبخ اليوم

الله يحييك تعال انت ومن يعز عليك

أحمد : لحالك وإلا معاك أحد

علي : معاي عبدالله و تركي والبلايستيشن رابعنا

أحمد : انا متواعد مع فواز على اساس اننا بنتعشى برى شكلي بجيبه معاي

علي : فواز ماغيره هذاك اللي اذا شافه ابليس يقول إبليس أعوذ بالله من الشيطان

أحمد : ايه هو هو مافيه غيره

علي : هههههههههههههههههههههههههه جبه معاك يا أحمد خلنا نشوفه قبل رمضان

أحمد : وش قصدك يا النتفه

علي : برمضان يتصفدون يا كمخه

أحمد : هههههههههههههههههههههههههههههههههههه والله لو يدري عن كلامك ان يذبحك

علي : أقول لا يكثر بس تعال انت و فواز ويصير خير

أحمد : خير ان شاء الله بدق عليه وان شاء الله نجيك ... تبيني أجيب معاي شي وأنا جاي !!!

علي : بما إنك راح تمر فواز بحي الدوحه مر على تمور التويجري عندهم لبن اسمه الأبقار النجديه

جب معاك اثنين حجم كبير

أحمد : ههههههههههههههههههههههههههه شكلها بروفات سحور الليله

علي : الله يبلغنا رمضان أهم شي لا تتأخر

أحمد : ان شاء الله بعد صلاة العشاء بكون عندك فمان الله

علي : فمان الله

أحمد : علي لحظه شوي عندي سؤال

علي : سم آمر

أحمد : اللي بالعصر الحجري وش كانو يسترون عوراتهم فيه

علي : هههههههههههههههههههه يسترونها بورق عنب يا ماصل

ضف وجهك أنت وأسئلتك البايخه ولا تتأخر

أحمد : ههههههههههههههههههههههههههههههه ايه صح ورق عنب

مع السلامه

 

[علي المحمد]

[ 18 ]


( بدر ) يتصل بك .....



بدر : سلام

علي : وعليكم السلام

بدر : وينك مختفي الدنيا مقلوبه عليك

علي : مقلوبه والا برياني

بدر : هههههههههههههههههههههههههههه يرحم امك اهجد لو مره بحياتك بطل استهبال

علي : على طاري يرحم أمك

تذكر يوم انا وانت نلعب أتاري ( حرب النجوم ) بملحق بيتكم

يوم جت امك من ورى الباب وهاوشتنا عشان الصلاة تذكر وش قالت

بدر : ههههههههههههههههههههههههههههههه ورى ماتسكت يالنتفه ترى ذليتني بهالسالفه

علي : الله يخليها لك يابدر قسم بالله يوم قالت

قومو للصلاة أنتم ماشفتو ربكم وش سوى بأصحاب الفيل

اني قلت من الخوف إلا شفنا والحين بنروح نصلي

بدر : هههههههههههههههههههههههههههههههههه احمد ربك طلعنا بدون ضرب

علي : سلم لي عليها يابدر كثير السلام تراها بحسبة امي

بدر : يبلغ ان شاء الله ... بجد وين مختفي هالايام

علي : بعدين اعلمك السالفه طويله يابدر وانا بخير الحمد لله

بدر : الحمد لله ... علي ماخبرت لي وظيفه !!

علي : يمدحون البكسنه

بدر : البكسنه !!

علي : البكسنه يعني تتبكسن يعني تلبس لبس باكستاني وتطق لك ليموزين

تكد عليه لين تموت شهيد تحت كبري من كباريات البطحاء

بدر : هههههههههههههههههههههههههههههههههههههههههههههه

والله وجهك يبي له بكسنه وتبقيس لين تتأدب يالشبيره

علي : أحسن تستاهل ليه وش شايفني وزير العمل تسألني عن وضايف

ياخي افتح لك محل والا افتح لك علبة ببسي والا افتح راس القصيبي بماصوره وادخل مؤبد بالحاير
اهم شي دبر نفسك ولا تقعد بكبد اهلك

بدر : ههههههههههههههههههههههههههههههه لعنة الله على شوشو

علي : انت مادمرك الا شوشو ... ابليسك قوي الله يعين اهلك عليك

بدر : تدري وش اللي دابل كبدي ياعلي

علي : أنا اللي دابل كبدك صح

بدر : ههههههههههههههههههههههههههههههه لا

اللي دابل كبدي ان ابليس صارو يدلعونه شوشو وانا من طلعتي على الدنيا محد يدلعني

علي : بتلقى وظيفه ان شاء الله وبتتزوج وبتلقى الانسانه اللي تدلعك

أنا بسأل لك عن الوظايف وبعطيك خبر وان شاء الله ربك يفرجها

بدر : لا خلا ولا عدم

علي : لا عدمتك

بدر : فمان الله

علي : فمان الله وتعوذ من شوشو

بدر : أعوذ بالله من شطحاتك فمان الله