البحيرة والنورس

[حمد الدوسري]

جيت في ليلة وداعه تايهٍ بين البيوت
وصحت : "وينك؟! جيت اوادع عمري اللي ضاع فيك"

 

[حمد الدوسري]

اللي تركني وأنا في عز غربالي
بعد الشدايد وش اللي ذكره فيني
يبغى زمانه يعود ويرجع الغالي
وشلون يرجع بعد ماطاح من عيني
لاالوقت وقته ولاله شي في بالي
أنا نسيته مثل ماكان ناسيني
ياما تمنيت نظرة منه في حالي
ياما تمنيت صوته لويناديني
وأقول لااظلم علي الليل بلحالي
الله يجيبه يشتت غربة سنيني
من كثر ماكان طيفه دايم قبالي
أحيان احسه معي وتضمه ايديني
ولامن تنبهت لين وجيه عذالي
كلٍ على ماطرى باله يسميني
ليته تركني بعد هذا على فالي
زي ماتركته بعدقتله بساتيني
من بعد ماصار جاب بلسانه الحالي
يبغى يرجع زمان بينه وبيني
قولوا له اني مااحبه كثر ترحالي
و لاّ حرام يتضايق والا يبكيني
قولوا له اني احبه بس من تالي
وان راح والا رجع ماعاد يعنيني ..

 

[حمد الدوسري]

من يومني صغير أعشقك وأتأملك
حتّى تفرعنبي غلاك ... وسادني
كـبرت أحبّك بس صرت أتخيّلك
غبي .. تعلّمني غلا .. وأجـادني
من أوّلا اشوفك وعشق ادللك
وأأحب خيط العذر لامن ... قادني
والحين لامنّي ولهـت وجيتلك
قام ايتصيّدني .. الحزن .. وأصطادني
فالشّارع اللي هيبته هيبة ملك
اللي تهجّا خطوتي .... وأعتادني
من تحت شبّاكك وودّي أسألك.
.يغلا من أغليته غلاك .. أش فادني؟
لو أدري أن مستقبلي .. مستقبلك..!
ماكان نقّصني .. الغياب .. وزادني
هنا وبس .. ولا تضايق .. وأزعلك
بقفي فمان غيابك .. وماعادني


سعد علوش

 

[حمد الدوسري]

أقول : يمكن تنفرج في المقابيل
و لا ادري الا الأرض تحتي تهايل
و بعد التعب والهم والحط والشيل
توّي عرفت ان البخت كان مايل
مع ذاك ابو ذيك الرموش المظاليل
ذاك الغريب اللي عمل بي عمايل
جتني مراسيله تشبّ القناديل
و معها سؤالٍ جاوبته النحايل
يقول : ( كيف الحال بعد المراسيل ؟ )
و اقول ( مثل الحال قبل الرسايل )

 

[حمد الدوسري]

وطنّا كثرة أحبابك تحيّر والكلام يطول
ولكن لاتغرّك ياوطنّا كثرة أحبابك
بعض هالعالم يحبّك عشان النفط والبترول
وحنّا ننطح العالم على ذرّه من ترابك
لك الله ياوطنّا لابدا اللازم وطقّ الجول
نجي وثيابنا لعيونك أكفانٍ تغنّابك
نجي ماهمنّا الماضي ولاخفنا من المجهول
نجي ونقدّم الموت بيدينا قبل نحيابك

وزير المالية : السعودية لن تعود كما كانت قبل الأزمة
قرارات صارمة ومؤلمه قادمة أحسن شي في تصريحه
إمتص الصدمة والله يستر
الأكيد بايعنا على المنشط والمكره في العسر واليسر
أزمة إن شاء الله وتعدي

 

[حمد الدوسري]

مع كل نسمة صباح أقوم وأيديّه
ترفع بعضها كذا وأقول وأنادي
الله يسعد صباحك يالسعوديه
عساه والله صباح الخير يابلادي

 

[حمد الدوسري]

ليل ياليل يوم الناس سمّوك ليل
هو عشان السهر وإلا عشان المنام ؟
شف عيوني وشف وشلون جسمي نحيل
لعنبو هالغرام إن كان هذا الغرام !
آه ياقلبي اللي مابقى فيك حيل
من كثر ماطواك الشوق ولد الحرام
قلت لك لاتميل إن طعتني لاتميل
بس هذا أنت ملت وماسمعت الكلام
يوم ذيك الصبية أم ذاك الجديل
جت تهادى وتمشي مثل مشي الحمام
إنكسرت وقعدت تحط فيّ وتشيل
لين رحت وخذتني في طريق الهيام
قبل أسلم عليها كنت عابر سبيل
وصرت ديرة غرام وعشق بعد السلام
كنت اقول : أي حب وأي خل وخليل
الهوى ماوراه إلا التعب والملام
لكن اليوم شفني ضعت وأكبر دليل
اني امشي واهذري( إبتسام إبتسام )

 

[حمد الدوسري]

صارت حياته ضيق خلق و بطاله
هم وسهر واوراق شعر وزقاير !!
يعني حبيبك صار حالته حاله
ماباقي الا انه يدّن العباير
الله لامنّه ذكر مامضاله
قبل الدواير ماتجر الدواير
يوم الطفوله والشقا والجهاله
يوم الصغاير في عيونه كباير
ايام كان معانده راس ماله
ويسوق لهبال الشقاوه بشاير
ياما امتلى بالحب والطيش باله
وياما امتلت من شخبطته العواير
يكتب عليها : ( عاشقك للثماله )
ويخطّ توقيعه : ( جريح الضماير )