إحساس يــ غ ــمر الأنفـاس

[رزان العتيبي]

عندما تكون الوحدة !
هي المكان الوحيد الذي تلجأ إليه ..
فـ أعلم أنك مُحاصر بالخذلان !

 

[رزان العتيبي]

{ إنتماء ,

؟

يبه وينك !

تعب صوتي وملّيتك !
وملّيتك !
كذب من قال ملّيتك !
أو نسيتك ..
يبه كلّي يبي بيتك !

يبه تدري ..
معاد أحس بي / مدري !
أو إنّي من دريت
إن الأماني حلم .. ناديتك ..

يبه شفني أنا بنتك ..
حبيبة قلبك وعمرك ..
هذيك الطفلة اللي ياما لعبها أذاك ..
ولا تكلمت ..

يبه تذكر أغانينا أنا ويّاك ..
وسكّة حلمنا مع بعض ..
وصوتك لأنخلط مع بحة سكوتي ..
يبه حنّيت ..
ورب البيت ..
ل أيام الشقا حنّيت ..
لدروب السهر والحلم ..
وذاك الشارع المنفي ..
وضحكة أمي الخجلى ..
إلى من قلت ياليتك ..

يبه ودي أنا أحكي لك ..
عن أسراري ..
عن اللي صار ب/أخباري ..
عن بكاي .. وقهر داري ..
عن الضّيق الي ساكني ..
ولبّسني معاه سكوت ..

وأبي أكثر من أحضانك ..
وأبي أكثر من أسوارك ..
أبيك تكتف يديني ..
وتسجني وسط روحك ..

يبه ناظرني بعينك ..
وعمّق نظرتك فيني ..
ولاحظ كل تفاصيلي ..
بتقرأ كل عناويني ..

بتقرأ هالتعب وشلون دمرني ..
وكيف إن الضحك فيني ..
غدى موجع ..
نعم موجع ..

يبه تكفى تعال شويّ ..
وأبي تسمعني بقلبك ..
يبه إسمع ..
ضجيج .. وزحمة من حولي ..
صدى مطعون بهمومي ..
وأنا من بينهم أشعر ..
بغربة إمتلت كوني ..

وأصوّت لك ..
وأنا عندك ..
وأنا جنبك ..
يبه تسمع أحاديثي ..
وتسمع كيف أحتاجك ..
ابيك تمدّ لي يدّك ..
ابشعل فيني سراجك ..

يبه برحل ..
وبترك لك معاك حروف ..
إلى من جيت في بالك ..
تذكّرها ..
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !

ومضة ,

هذه الحروف مُهداه لروح والد صديقتي المتوفي ..
كتبتها ب إحساسها الموجع ..
والله يرحم والدها وجميع موتى المسلمين ..
ويخلي لي أبوي ويحفظة لي من كل شر ..

، تلاشي }


!

 

[رزان العتيبي]

ياصباح الخير ياعطر الصباح
ــــــ ياصباح الشّوق ف عيون الحنين

قلت أشوفك وانتشر عطرك وفاح
ــــــ طالبك بالله خذني لك حزين

 

[رزان العتيبي]

صباح الضّيق وأصوات الغياب اللي تناديني
ـــــــ صباح الجرح ودموع العتاب اللي ملت خدّي

أمانة كان عندك قلب طلبتك لا تخلّيني
ـــــــ أنا والله من بُعدك أصفّق يدّي ب يدّي

 

[رزان العتيبي]

ضايقة يمّه أبد ماني بخير
ـــــ لو ضحكت شوي تالي أكتئب

قد كتبت أموت بالشطر الأخير
ـــــ وأثرني للحين شطرٍ ماانكتب

 

[رزان العتيبي]

وعد يرجع !
ويهديني حنان الكون ..

وعد موجع !
ب انّي آخر أحباابه ..

ومن سافر !
حشى والله ماتدرون ..

ومن سافر !
ب انّي أحضن ثيابه ..

صدى صوته !
سكنّي مااعرف شلون ..

غدى موته !
حنينٍ ساكن اعْتابه ..

أنا طفله !
كبرت من العمر مليون ..

ألمح له !
ترانا حيل نتشابه ..

ونتشابه ب أمانينا ...
ب أغانينا .. ونظرة حزن تحوينا ..
بضحكتنا .. وأسامينا ..
بقولة [ مابقى دمعٍ يكفّينا ]

عرفت شلون نتشابه .. أو أكمّل !
لأني ماكتبت إلّا قليلٍ كان مالينا !

وأنادي لك ..
تعبت أسهر أنا وحدي ..
تعبت أبكي ..
وأغنّي لك ..

(
الأماكن .. اللي مرّيت إنت فيها
عايشة بروحي وأبيها .. بس لكن مالقيتك
)

مالقيتك ..
ساكنٍ هالصمت بيتك ..
من نويت إنك تسافر ..
إشتكى عندي وبكيتك ..

لا من قاله بكيتك ..
بس بكيت الوعد يوم إنك تقول ..
إيه راجع .. عدّدي بس الفصول ..
وراح تلقيني بجنبك ..
بس لكن ماوفيت ..
ماوفيت
ماوفيت

 

[رزان العتيبي]

ياخطوة البُعد ضمّي آخر أنفاسي
ــــ يمكن ليا ضاق يتنفس ويذكرها

ياغفوة الحلم خطّي وسط كرّاسي
ــــ يمكن تفيق الأماني لحن وأسهرها

ياطعنة الآه لمّي نفسك بكاسي
ــــ يمكن الامس عميقك وأحضن أكبرها

من غاب عنّي جمعت بكفّي إحساسي
ــــ بعثرت حزني حكايا يجهل أكثرها

كلّ الزوايا تعاني من كثر ياسي
ــــ وأوراقي أسرار ماتت في دفاترها

ملّيت أحاكي أنا الجدران عن ناسي
ــــ وأسمع صداها آنينٍ طيّح اصْورها

سألت أنا الليل ليش بظلمته قاسي !
ــــ منهو خذا افراح ثغره ليه دمّرها !

جاوب وأحسّه حكاني وإنحنى راسي
ــــ سيّل دموعي وانا اللي كنت أقهرها

هذا النّص قريب منّي جدّاً ..

 

[رزان العتيبي]

http://www.alraimedia.com/alrai/Article.aspx?id=140967

أُستاذي فرج صباح ,
بحق شُكراً لك ..
س أحتفظ بها .. فحروفك كبيرة وخالقي ..

http://www.alraimedia.com/Alrai/Reso.../10952/P23.pdf