[ حَمَامٌ زَاجِلْ ]

[نايف الروقي]

"
ارقد بــ اماني من اللوعات
لايضيق بالك وتتقلب
:
مادمت لي ذات وسط الذات
لازم على الضيق نتغلب
:
الروقي .. ن ..

 

[قايـد الحربي]

:


الليْلِ : حَلْمَهْ وَ الْفجِر طِفلِ مِن غَيْ
ــــــــــــــ يَرضَعْ صِبَاحَ الغِيرِ مِن أمْ عَذْرا
يِتلَعثَم بشَمْسِه وِ يِسْتنْطقَ الْفيْ ،
ــــــــــــــ يَحْبِي إلَى الدّاخِل وِيَركضْ لِبرَا

 

[نايف الروقي]

"
الصبح ظلمه والجمر كهل من مي
يغدو غدو الطير وان قر هذرا
:
بكره ضحى امسه موتته بينهن حي
بذل على نفسه نذر عذر وازرا
:
الروقي ..ن..

 

[أمجاد محمد]

ياعاشق الدنيا تراهـا أم وجهيـن وجه تعاهـد بـه أوجـه تبوقـي
تضحك وهي للمنخدع تخفي الشين مكـارةٍ قشـراً غـرور دروقـي

 

[أمجاد محمد]

يا ضايق الصدر بالله وسع الخاطر

دنياك يازين ما تستاهل الضيقه

الله على ما يفرج كربتك قادر

والله له الحكم في دبرة مخاليقه

حلو العيون استهانت دمعها الحادر

كف العباير حزين الدمع ما طيقه

حسايف الحزن يغشى وجهك الطاهر

والورد في وجنتك حرام تغريقه

يفداك قلب على ما تشتهي حاضر

يفداك باللي بقى لي من معاليقه

ما فات خله ولا تهتم من باكر

وأغنم من اليوم ما ساقت توافيقه

 

[تَرَانِيْمٌ الْهَائِمَةٌ]

!!

بسْ لكنْ
لكِنْ بسْ

 

[تَرَانِيْمٌ الْهَائِمَةٌ]

يدخل حنِين مُطيلْ
يبْتر صفاء العقيلْ
يَصرخ جوْف الليلْ
يتغنى صدى رحِيلْ
يحيّ نَبض ذليـلْ
يَعشعشْ صدر جَهِيلْ
يَخاف مخافَة البَخِيلْ !
يزداد جُوْد الفعِيلْ !!

 

[تَرَانِيْمٌ الْهَائِمَةٌ]

يَصرخ جوْف الليلْ
يبْعث جَوْانِح رسيلْ
ينادي عين الكحِيلْ
يكْمَنْ شُوْق الوصِيلْ
يبْتغِيْ حلُم ذهِيلْ !
يمرّ مساء غفِيـلْ !!