.. وشوشة

[ناديه المطيري]

أقطـف اللـيل يتدلـى صباحي
............أقطفه /ينبت الليل بدروبي

ليمتى ياالحزن (اطلق سراحي)
......دوبي عشت الهنا والفرْح دوبي

يكفي يتمرّغ الملح بجراحي
.........يكفي إن العناءْ خيوط ثوبي

 

[ناديه المطيري]

للغياب و وحشة الليل الضرير
لارتباك النور في وجه الصباح
لو يموت الحظ في صدر المصير
مايموت الحلم في نبض ( الجراح)

 

[ناديه المطيري]

بأيام البرد وأيام الشتي
والرصيف بـْ حيرة والشارع غريب
تجي هاك البنت من بيته العتيق
ويقله انطريني وتنطر ع الطريق
ويروح وينساها وتذبل في الشتي

"فيروز"

خانني دفء الطريق
ومانِطَرْتْ
كانت الغيمة تناديني
وطِرْتْ
وأنت وحدك
بين غربة شارع وحيرة رصيف
تنتظرني
مثل ما كنت أنْطِرِكْ
كانت عيونك تلّوح للغمام
تنتظرني
في الزحام
لين مل ( الماء ) في صدري ونام
و ما مِطَرْتْ

فـ لْتذبل لوحدك
فـ ما عدت أنوي المجيئ

 

[ناديه المطيري]

أنا لحبيبي وحبيبي إلي
ياعصفورة بيضا لا بئا تسألي
لايعتب حدا
ولايزعل حدا
أنا لحبيبي وحبيبي إلي

"فيروز"

جيت أخبّي هالسؤال
بْصدري عن برد الإجابة
" ليه احبك ؟ "
ماقدرتْ
ثم سألتك
وابتسمتْ
ثم قلتْ : لبّا قلبك
وارتبكتْ
: الأكيد إنّا نتشابه

 

[ناديه المطيري]

أدّيش كان فيه ناس ع المفرق تنطر ناس
وتشتي الدني
ويحملوا شمسية
وأنا بأيام الصحو ماحدا نطرني

"فيروز"

مانطرني غير حزني
وانكساري
وبعض أشيا كانت تذكرني فيك
صورتك
عطرك
سواري
اللي لبسته يوم أجيك
ياحبيبي
كل شي يبكي عليك
الشتا
والمفرق
و ( شِعري )
وداري

 

[ناديه المطيري]

[بشويش] نايم /لاتصحّي حنيني
لي عـــام اهـدهـد به إلينــه نســــاني
[بشويش] ماودّي أضيّع سنيني
لا تزعجـــه/ مقــــدر أغفّيــــه ثـــــاني

 

[ناديه المطيري]

أحيان أدوّر ملامح [ وجه ] والقاني // واحيان أتوه بْملامح [ وجه ] ماعرفه

 

[ناديه المطيري]

فـ كل ليلة
تغنيلي
وترويني
مثل وردة
وإذا ملّيت
ترميني