(( صـمـتـــ الـبـــوحـــ )) ..

[محمد العمرو]

.
.





لاتامن الضحكه ترى الوقت .. قادر
... يقلب مراسيم السعادهـ // لـ الاحزان
..
من وارد ايام الشقى فيك .. صادر
... عسر ٍ بعد يسر ٍ يواليك / يـــفــلان
..
ويسر ٍ بعد عسر ٍ تمناهـ .. غـادر
... ترى القدر مايخطي الإنس / والجان
..
إصفق على وجه المعاصي .. وبـــادر
... تقضي فروضك واتعس القوم / هـــيّــمان
..
خلّك على كل المواجيب .. نـــادر
... ياصاحبي خلّك مع الوقت / ذيّـــبـــان (:




.
.

 

[محمد العمرو]

.
.




كـنـتـ ..






..




في ضلوعيّ للشقا واحة جليد
... مايذوْبها مع انفاسي / أمــل
..
كنت واهم في رسايلها وازيد
... انتظرها واحسب ايّامي / عـسل
..
كنت عاشق والوله عندي فريد
... وما أحسب للغلا أيّة / زعــــــل
..
وكنت شاعرها على بوح القصيد
... واسمـيّ الأول على كل / الجـُـمــل
..
كنت احاول أبْــدع القاف الجديـد
... لااحـتـوتـنـي بين نظرات / الخجل





.
.




كــنــتـ !!






.
.

 

[محمد العمرو]

.
.





وينك ينوح القلب من غيبتك نوح
... رد الخبر تكفى ترى البال / ضايق
..
ضايق واحس احيان في نزعة الروح
... كِنه يسوق الروح للموت / سايق
..
ماكل دمعه تعني افلان مجــــروح
... اوكل بسمه تعني افلان / رايـــق !!




.
.

 

[محمد العمرو]

.
.




الضيم يابنت الحمايل .. سكرني
... وامسيت انا في سكة الضيق .. مجبور
..
يزيد هم وفي طعونه .. غمرني
... حتى غديت ابسيرة القاف .. مسحور
..
لاقمت صِبحه بالندامه .. سهرني
... وعند المساء كِنه مع الكون .. منثور
..
أسير حرب وفي سياجه .. أسرني
... مقهور انا دايم من الحب .. مقهور
..
عشقت وعشقي يالأميره .. جبرني
... أشرهـ .. ونا رجل ٍ على الكود .. مشهور
..
حتى الرفيق اللي اعزه .. خسرني
... وامسى يناديني .. سخيف ٍ .. ومغرور
..
مايدري انه فوق جرحه .. دمرني
... مع اني ابوصف .. التعاذير .. معذور
..
يابنت .. والطاري .. حضورك ..جهرني
... يانور شمس .. وضوّ بدر ٍ .. وبـــلوّر




.
.

 

[محمد العمرو]

.
.



لو سمحتي !



مانبي زود الكلام ..



ودربنا واضح



لو سمحتي ..



ماسألتك كيف طحتي !



كيف جيتي .. !


كيف رحتي .. !



وإن ..


إن سمحتي ..


فااذكريني .. إن سرحتي ..


او كتبتيني .. وبِحتيّ ..


واقسم برب البيت .. إنك .. ماجرحتي ..



وادري انك .. مافرحتي ..



حتى لو إنك .. سمحتي ..



وافترقنااااا ..








لو سمحتيّ .. !





.
.




إنتيهنا واعتقد آخر كلام
... ذي نهايتنا .. فديتك .. وانتهى
..
سلّمت عينك .. وردينا .. السلام
... وكل واحد شاف دربه .. والتهى !




.
.

 

[محمد العمرو]

.
.







هاذا جرح .. جرحه ونا .. بلسم الجرح
... وانا الطبيب وكل كليّ .. فدى لكــ
..
اللي حصل بالجمع .. ينقص .. عن الطرح
... نسيتي إني قلت .. ليته .. صفى لـكـ
..
هاذي زهور .. وذاك فرحك .. وذا .. ظرح
... إنسي فديتك .. كل ضيم ٍ .. بدى لـكـ
..
ياام الشهد .. ياالصرح .. يالقرح .. يالفرح
... ياغاية اللي .. في صلاته .. دعى لــكـ




.
.

 

[محمد العمرو]

.
.





أبيك هاتي مابقى منك .. هاتي
... ابيك هاتي .. واتركيني .. ونامي
..
نامي على صفحة مدينة .. حياتي
... ولاّ .. تعالي .. واستحليّ .. هيامي
..
خوذي حياتي .. وان بغيتي .. وفاتي
... تنفسي روحِيّ .. وخوذيّ .. غرامي
..
خوذيّ .. شموخي .. دوك .. منصب .. رفاتي
... خلفيّ .. يميني .. وان بغيتي .. أمامي




.
أأأأبيييييييك




ابيك هاتي مابقى منننننك هاتي
... أأأبيك .. عندك .. إحضنيني .. ونامي ..




.
.

 

[محمد العمرو]

.
.



ابـفـتـح لـك هـجـوس اللـيل واقفـل بـعـدك الابـــواب
... وانـاظـر عـقـرب الـسـاعـه واثبتـهـاا .. وداعــيّه
..
اظـن الـود يـاالناشد طـريـقـه بالـوفـا .. مـاخـاب
... ألـم تـسـمـع !! إذا قالـو .. غناوينا .. نـزاريـّـه
..
هـلابـك يالـسـمـيّ خـذها حـروف ٍ جابت الاسـباب
... بـتـرجم خـافي الـمعـنى عـلى شيلات .. سحريّه
..
يـمـوت الـحـلـم يامحـمد ولا نـبعـد عـن الاصـحاب
... شـمـال الـدار مـع شرقـه وايـلا قالو .. جـنوبـيـّه
..
يـذوب الـثـلج في صدر النهار الهـاتـك .. الـكذاب
... يـمـوت الـحلم في دمـعة سوالـف بـنـت .. جنيّـه
..
يـضـيـع الـصوت في لـحن الخلود المعتـزيّ .. بالـناب
... اصـاحـب ( جـن ) لكنـيّ اعـرف البنت .. إنـسيّـه
..
يـجيني صـبـح مـتفائل ويـكـسـر شـوكـة الأغــراب
... واحبس الليل مع باقي مسـائـل ديـن فــــقـهـيـّـه
..
دنوّ الهم .. تِلو الهم وضـيقـة خـاطـر الاقــــــراب
... كؤس العشق لامنه حـوّت اشـــيـاء .. خـمـريــّـــه
..
مدام ان الحكي يبقى ويطعن خاطر .. المرتــاب
... فـااكيد ان الهوى يبقى .. ( غـلا ميـّـه .. على ميـّـه ) ..
..




ويجيني .. !!




يـجيني صـبـح مـتفائل ويـكـسـر شـوكـة الأغـــــــراب
... وانـاظـر عـقـرب الـسـاعـه واثبتـهـاا .. وداعيــــــــّـه !




.
.