تعال واكتب حالتك/لحظتك شعراً ..!

[شعور]

-

ياللي يدك فـ الما وتشره علي.. نام
أنا ، يدي فـ النار منّك ، وصابر !

ما انت بـ على خبري ولا خبر الأيام
وش لون تبغيني على ما انت خابر؟

 

[شعور]

-

يحِزن شعور الفرح في ظِل تقصيرك،
ما ودّي الناس بـ اللي تقدر ، تْبادر !

تشابه الضحكة اللي جات من غيرك ؟
حاجه، قضاها غريب، وكان أخي قادر

 

[عبدالرحمن عبدالله]

‏لكنها لغتي
سمراء وبكر
تقول لي أكتب
وتصر على ذلك
وأقول ما أنا بكاتب
ما أنا بشاعر
ولا كنت فاكهة
ولا أنا شمعدانًا على الموائد
لكني
نرجسة وحيدة في الأسى

 

[شعور]

-
ترى من حب مايقدر على النسيان
اقول انّي نسيت ، وما تهيّالي !

من الضيقه احس اني بدون لسان
من يقول الكلام اللي على بالي ؟

 

[عبدالله صلال العساف]

على هونك معي يأمطفّف الميزان
ضميرك لاتوارى شوّه الذمّه

عبدالله صلال العساف

 

[غاده]

‏خلك لهم احس ما عاد ابيك
‏شي يطوله الكل نفسي تعوفه!

 

[عادل الدوسري]

كلٍ على همه سرى وانا على همي سريت
والناس رب العالمين أدرى بسر همومها

أحدٍ يدور للعشا وأحدٍ يبي عزٍ وصيت
وأحدٍ يجي ويروح مفلسْ من جميع سهومها

وأحدٍ من الأحزان قد شيد وعمر ألف بيت
تسكن بها الأحزان حتى رامته ويرومها

عادل

 

[جابر العايد]

حالتي اذكرها في الواتس 🤗

بس هنا حالتي افتقد للثقل في تحركاتي وافراطي في تعاطي الحروف هنا وهناك ولا لدي خاصية التعديل للنص والحذف.... لحظات ارغب في حملها بكيس على طرف عصا على كتفي متدليه خلفي ب 2 متر واستمر بالمشي حتى اختفي من الشاشه على امل سماع صوتا يلحقني لكي اعود

وفي الاخير الصدمه في حاله تشبه

الشاشه الي كلها خطوط لل

tv

في


1995