تعال واكتب حالتك/لحظتك شعراً ..!

[غاده]

,,

ما تدري إني متيم بك وكلي لديك
مملوك مأسور مسبي مستهام بهواك

وأموت كلي معك واموت فيك وعليك
واغليك لكن عسى الله ما يبين غلاك

واحن إليك وعليك احن من والديك
ومن لهفتي عين قدامك وعين وراك

 

[نورة القحطاني]

تفاديت الشعور اللي يعذبني على طاريك
امانه ! ليش عيني تذرف الدمعة على الطاري !

 

[رشا عرابي]

باقي لنا في ذمّة العام ضحكة
طاحت من الأيام بحساب عادل!

رشا~

 

[عبدالله صلال العساف]

احبك....بس مااقدر اعبّرلك عن إشعوري
قبل لاقول ..يخذلني ..كلام ن فيك جمّعته

ياعمري لمّحيلي عن غلاي وروعة إحضوري
عشان اقدر اعبّرلك ..شعور ن مل من صمته

عبدالله صلال العساف

 

[غاده]

‏من حقي أبعد عن الزحمه وكثر العلوم
‏و أفكاري ، اللي من الدنيا طفح كيلها".

 

[صالح العرجان]

من اللي يسلفني شعور السعادة
‏وأهديه عشر سنين من عمري الجاي

‏لولا التشبّث بالأمل والأراده
‏لقيتني مجنون رسمي وبكّاي

‏أنا حزين إن الحزن صار عادة
‏ياليتني مخطي وأعرف وش خطاياي

‏أهديت للدنيا قصيد وسـعادة
‏لكنها .... ما رجعتلي هداياي

 

[سعيد الموسى]

المشاركة الأصلية كتبت بواسطة صالح العرجان

هرجٍ يجي في ضيقتي لاتاخذه مني
محدٍ يسـاوي غـلاك .. ومخلفٍ سيري

وآليا بغيت آشوف غيرك بالبشر كني
وسط [ المجاهيم ] وآدور [ مغاتيري ] .. ?!

الله الله الله ..
ماعليك زود ، والله يحبك يااخو سعيد وصح لسانك
مايراودني شك في غلاك وربي 🌷

 

[سعيد الموسى]

سلمى .. وانا صدري مثل طير يعلى !
يطير فوق ، بعيد ... ويمشط الديم
سلمى .. وكل آهه غدت فيك تسلى !
الله وكيلك.. فيك طفله من الغيم!