تعال واكتب حالتك/لحظتك شعراً ..!

[سعيد الموسى]

كل لحظة شعر في صدرك شعور !
ـــــ كم تحسّ الهــمّ يثقل كاهلك !
فوقها تكتب عن أحلام الطيور !
ـــــ رغم إن الحلم ذا مالاح لك !
تحمل إيدينك على غيم السطور
ـــــ دمعك اللي ملّ جفنه حاملك
أيّ شاعر بين صدرك ياوقور
ـــــ إستباحك وإستقى من كاحلك
تختصر في جيتّك كل الحضور
ـــــ مبتسم والحزن يعوي داخلك !
إن حكيت يفزّ لك عطر الزهور
ـــــ وإن سكّت الهم كنّه قاتلك !
داخلك طفلٍ مؤدب لو يثور
ـــــ يقلب الدنيا ويصبح عاذلك

 

[صالح العرجان]

لو للسحايب يا طويل الهدب سوق
شريت لك .. برقٍ رهيف .. وسحابه

 

[نورة القحطاني]

كل ماذكرت اللي مضى لي تبسمت
تآخذني الذكرى وأنا في مكاني !

أعيد ترتيب المشاعر وحرّمت !
أكتب على الأوزان ضيقٍ حواني

لو تجمع الغربة شقى لحظة الصمت
كان امتلى محصولها في ثواني !

 

[رحيل]

؛
لحظتي ..رسما ☺

 

[شعور]

رحيل ؟ وش هالجمال تسلم
ايدينك


-

هزني لا نويت تغيب : هزه وداع !
يمكن يطيح مع دمعي غلاك فـ يدي


لـ نواف الدويش

 

[رحيل]

عيونك الجميلة ياشعور تعطي الاشياء جمالا ...
اخجلت تواضع خربشاتي يا لطيفة الروح انت 🌹

 

[شعور]

-

لا جد ، رقتك وإحساسك عالي ورسمتك
تعكس هالشي


,


وان جات من دون العشم ، ماعلينا!
يمكن عشمنا فوق طاقات الأنسان

 

[نورة القحطاني]

بعض المشاعر فوق طاقات الإنسان
و انا اشهد ان الشوق فاق احتمالي