[ #مَعْرِضٌ وَ تَعْلِيْقٌ ]

[ماجد العيد]

شريت بالروح العزيزة هوى قلب ..
لا دام لي قلبٍ و لا عاد باقي !

 

[ماجد العيد]

القلم : خازن المحبرة !

 

[صالح العرجان]

المشاركة الأصلية كتبت بواسطة ماجد العيد

شريت بالروح العزيزة هوى قلب ..
لا دام لي قلبٍ و لا عاد باقي !

( شريت لي قلب )

سمعتها وانا صغير من ابوي الله يرحمه


انت يا ماجد لمست العين قبل القلب وانت ما تدري

رد ود

 

[ماجد العيد]

المشاركة الأصلية كتبت بواسطة صالح العرجان

( شريت لي قلب )

سمعتها وانا صغير من ابوي الله يرحمه


انت يا ماجد لمست العين قبل القلب وانت ما تدري

رد ود

رحم الله أباك يا صالح و غفر له و أسكنه الجنة

🌷

 

[ماجد العيد]

و أجلس أنا و صدري و لا شيء جنبي
الله و لا شيء مع الفقد يسوى
الأرض تطوى و الحزن جاثمٍ بي
و أشوف لي خلقٍ مع الأرض تطوى !

 

[ماجد العيد]

‏اليوم برزخ باكره ..
‏و العايش ليومه غبي
‏ما كل نفسٍ شاكرة ..
‏لو كان ، ما جافوا نبي !
‏و يا كل عينٍ ناكرة ..
‏صدّي بْشُوفِك و اهربي
‏الناس فيها ذاكرة ..
‏لكنّها ..
‏.
‏.
‏" للي تبي ! "

 

[ماجد العيد]

الناس ما عادوا بَدُو ..
و السَّلْم ما يهدي الطريق
و اللي يرزّون العدو ..
صعبة يعزّون الصديق !

 

[ماجد العيد]

إحساسك اللي منقسم
بين الخلاص وْ واجبه
من هو اللي فينا مبتسم ؟
أو من هو وقته عاجبه !
الساعة ما تحمل إسم
موعدك من هو هاج به !
حتى العقارب ترتسم
شكل اللي عاقد حاجبه !