تعال واكتب حالتك/لحظتك شعراً ..!

[صالح العرجان]

خطاك عندي بالغــلط مـا يدينـك
غــلاك يكفلني كفالـه حضـوري

الله يـرحـم والــدا والـــــــديـنـك
لا عاد تصدمني وتجرح شعوري

 

[نورة القحطاني]

معزوفة الليل !
لون الصمت يعسفها !
في زحمة الذكريات اللي تشتتنا !

 

[عبدالله صلال العساف]

للوتر قصه مع اللحن القديم
كل ماعوّد على ادراجه بكا

ونظرة الادراج محجرها لئيم
عينها متعلّقه بساق ..إرتكا

عبدالله صلال العساف

 

[ميسون الرملاوي]

حتى الدموع اللي ملت قلبي شجن
عيت تسير بدربها
عيت تواسيني في زمن غير الزمن
آآآآه يالقهر
كيف قصتي تلقى محل
وهي يتيمة
لا كتاب
ولا وطن

ارتجالية ذات وهن

 

[غاده]

‏انت هواي
‏وإلا أنت عندك بالهوي
‏محبوب غيري؟💔🎶

 

[عمرو بن أحمد]

أهادن فيك شعورًا بتّ أجهله حينا وأنكرهُ
وأعلم أنه قدري
وأن الطيش يدفعه !

 

[غاده]

‏لو شلت هَم المسافة لا تكمل معاي
‏أنا دروبي طويلة و انت ... حافي قدم

 

[صالح العرجان]

لا تدعك القلب ترجي يظهر المارد
. ويقول لبيك عبدك باح مكنونه

قنديلك اللي انطفى ليل الشتا البارد
سيّان عنده وفيت أو توّك تخونه

ترجّل الفارس اللي لاجله تطارد
يازين شلفاك ملّت تطعن طعونه

كل ماحداك الضما جيت الضما وارد
كنّك تعاف القراح وتشرب عيونه

شاب العتب وانقطع ما بيننا الوارد
ولولا الندم ما غرس فـ ابهامه سنونه

والحزن سيف على أرقاب الفرح جارد
وكل بسمةٍ في ديون الصبر مرهونة

و إن صادفك في طريقك بالي الشارد
قلّه يموت الهوى .. باعيش أنا بدونه