هات لي قصيدة وعلاقتك الـ شعريّة معها

[أحمد الحربي]

المشاركة الأصلية كتبت بواسطة عبدالعزيز رشيد

أخوي:أحمد الحربي
فاروق عبدالله الاسم موجود بجسد الثقافة وهو شاعر بحرينيّ وكذلك له اسم مستعار ممم مدري وش كان بس نسيته وكذلك هو كاتب قصصيّ ممتاز لكنّه متواري تقريبا عن الأنظار ولعيونك جبت لك نصوص له (":


(افرشي احضانك)

.
الذنوب استوطنتني
ارجموني بـ قلوب
وما يفيد
ما سوى دمعك يا أُمّي
اتوضّا به واتوب
.
.
.
ما بقى غيري وظلّي
يرسمه لون انكساري
باتبرّا
من جلودي
من حدودي
ترتعش فيني الحواس
الضيا الأعمى يمر من الشقوق
اسمع الصامت رعود
والفظ الغامض بروق
ترجف ضلوعي
ادوّر عن وطنْ
يالله يمّه
ياللي صدرك لي سَـكَـنْ
الخشوع اجتاحني كلّي وبكيت
السما بـ روحي تِهَـلّي
يالله يمّه
افرشي
احضانك
باصلّي
.
.
افرشي احضانك باصلّي





(لعبة التفجير)

(((1)))
.
.
.
.


رخى صمت اللّغة كفّة .. وقَـلَّب موهبة تبصير

تشكّل هالزمن ريشة فـ يديني ... وقلت باضـمّه
.
.
.
وقمت ارسم شكل ثاني .. لكل وجه احتوى تقصير

من الطين،...و يَد النحّــات ...اذا ما تسعـفه ذِمّـة
.
.
.
.
.
.
(((2)))
.
.
.

و

جبت الذيب من راسه..

....................وفاء لـ ربّة التفكير

و

خل ذيله لـِ مِن يرسم

.................حدوده فـ لبسة العِمّة

.
.
.
.
.
(((3)))


انا امشي والسما تحتي.. ولقيت غواية التفسير!

ولا تفـسيــر غير انّـي.. أنــا إبنٍ نـِجَـب أُمّـــه
.
.
.
.
.
.
(((4)))

عطيت

....لـ كلّ

....... شـــي

............اســــم

.............و رِفَضت

.....................آسمّـي

.........................التغـيـيـر ...

......................وقلت

...............لـ واقعي :

..............انتَ

......... أُبوه

.....تفضّل

و سَمّه
.
.

.
.
.
(((5)))
.
.
.
.
.
.

تعال نشكّـل الدنيا حُـروف بـ لعبـة التـفـجيـر

تعال......نفصّل ...... الدنيا ...... على ...... قَدنا ...... بِكِل ...... هِـمّه

أشكرك على تفاعلك و مَا
أتيتَ به من نصوص أحتاجُهَا كثيرًا,
كُنتَ قد ظننتُه بحريني لإن عثرتَ على هذا النص عن طريقِ كاتبة وشاعرة بحرينيه ,
ولكن لطول مابحثت عنه , لمْ أصدق ظنّي ,
أمَّا
بالنسبةِ لكونه كاتبًا قصصيًا :
اتذكر أنني قرأتُ نصًا قصصيًا قبل عامين في أحد المنتديات
الأدبية , وأظنها مدينة على هدب طفل عن شخص له أكثر من يد ,
إن لم تخني الذاكرة انه لِـ فاروق عبدالله ..

الآنَ أبحث في ملفه بالجسد : )

شُكْرًا كَ مَطر ياجميل

 

[عبدالعزيز رشيد]

أحمد ..
يوووووووووه
تقول شخص له أكثر من يدْ؟!!
عاد شرايك لو قلت لك انّي ردّيت عليه ف ذاك النصّ (":
~ وف نفس المدينة

 

[أحمد الحربي]

المشاركة الأصلية كتبت بواسطة عبدالعزيز رشيد

أحمد ..
يوووووووووه
تقول شخص له أكثر من يدْ؟!!
عاد شرايك لو قلت لك انّي ردّيت عليه ف ذاك النصّ (":
~ وف نفس المدينة

يُؤلمُني أنَّ بابَ مَدينةِ الـ نُور
مَازَال مُقْفَلاً ,

ويُؤلمُني أكْثَر أنَّهَا أُقْفِلتْ قَبْلَ أنْ أتمكّن
مِنْ قراءتِكَ هُنَاك
: (

أكثر منك أحبك

 

[ريم علي]

أعشق هذا النص للشاعر القطري فالح العجلان
وخاصة هذا البيت من النص :

يقولون .. الغلا سامي .. وأنا قلت الوفا أسمى

جفا .. كل الوفا .. واللي صفا .. تسبيح محرابك
أردد هذا البيت كثيراً وطويلاً


وحق البيد .. وعشق البيد .. وعينٍ تستبيح الما

وحق الخبز .. وملح الخبز .. والعشاق واحبابك

وحق اللي ظماك .. ولا ارتواك .. يرد لك .. يظما

دخيلك .. تطلق طيور “الجهاد” اللي على بابك!!

أنا ما قلت لك شفني .. ولا قلت .. الفراق أدمى

ضلوعٍ .. حزنها يمطر .. على شيحك وعنّابك!!

دخيلك .. والحزن فيني مدينة .. والسما ظلما

دخيلك .. كيف .. فز النور .. من قبرك وهلّابك!!

يقولون .. الغلا سامي .. وأنا قلت الوفا أسمى

جفا .. كل الوفا .. واللي صفا .. تسبيح محرابك

وحق الخصلتين اللي .. على حد النظر .. مرمى

رحيق الورد .. والا اللحد .. والا المسك بترابك

وحق النظرة اللي .. بعدها كن الزمان أعمى

من اللي هامته .. بعدك تطول وتروى أعشابك

زمانك .. وأنت .. والا لعبة الأيام في سلمى

زمانٍ كنت .. والا أنت .. والا طعنة أقرابك

وحق البيد .. وعشق البيد .. وعينٍ تستبيح الما

دخيلك .. تطلق طيور “الجهاد” اللي على بابك!!

فالح العجلان



* عبدالعزيز الشكر قليل برقيك

 

[عبدالعزيز رشيد]

أحمد
ياكثر مايطول غيابك يارجل )": !


ريم علي
وزدتي المكان نور
حيّاك ,

 

[عبدالعزيز رشيد]

لـ [هيفاء خالد]
بصراحة بالكاد أقرأ نصّا يفوح برائحة الأنثى الأُم وربّة الحياة وموطن الأسرة كما حصل مع هذا النصّ المليء بحنان وحنين الأنوثة وبصراحة هو مليء أكثر بألم الأنثى الصبورة

عيّب على طيبتي ياخال
ــــــ عيّرني بْقلْبي الطيّب
قلبٍ نثرني عليه هْبال
ـــــ يروح له.. لين ما آغيّب
والدمع والشال والسلسال
ـــــ وربٍ من أحزاني قْريّب
مكتوب لي ما أجيب عْيال
ــــــ بكْر وتكفنت بالثيّب
صدر ايتكسر على الأطفال
ـــــ وحضن إيتهادى على شْويّب
ولامن رحمني على هالحال
ــــــ لابعيد ياخال لاقريّب
كلٍ ينادي لي الأغلال
ـــــ وأغلالهم جاوبت: طيّب
وانا أنادي فْـ بكا الموال
ـــــ لاحب.. لا اطفال لاحبيّب
مالي سوى هالطهر والشال
ـــــ وخل اللي بيعيّب يعيّب

 

[الْنَّدَى عَبْدِالْرَّحْمَن]

المشاركة الأصلية كتبت بواسطة عبدالعزيز رشيد

لـ [هيفاء خالد]
بصراحة بالكاد أقرأ نصّا يفوح برائحة الأنثى الأُم وربّة الحياة وموطن الأسرة كما حصل مع هذا النصّ المليء بحنان وحنين الأنوثة وبصراحة هو مليء أكثر بألم الأنثى الصبورة

عيّب على طيبتي ياخال
ــــــ عيّرني بْقلْبي الطيّب
قلبٍ نثرني عليه هْبال
ـــــ يروح له.. لين ما آغيّب
والدمع والشال والسلسال
ـــــ وربٍ من أحزاني قْريّب
مكتوب لي ما أجيب عْيال
ــــــ بكْر وتكفنت بالثيّب
صدر ايتكسر على الأطفال
ـــــ وحضن إيتهادى على شْويّب
ولامن رحمني على هالحال
ــــــ لابعيد ياخال لاقريّب
كلٍ ينادي لي الأغلال
ـــــ وأغلالهم جاوبت: طيّب
وانا أنادي فْـ بكا الموال
ـــــ لاحب.. لا اطفال لاحبيّب
مالي سوى هالطهر والشال
ـــــ وخل اللي بيعيّب يعيّب

يـــآآآآآه ..

يــ أخي عبداالعزيز ..

كم هـو مـؤلم ، أن تقسى عليناا االطبيعة .. وكل ما حولينااا ...
وننحرم من أصـواات تدك بـــِ / االنفــووس غبطة وفرح ..

:

وانا أنااادي فْـ بكا االمواال
ـــــ لاحب.. لا اطفاال لاحبيّب
مالي سوى هالطهر واالشاال
ـــــ وخل اللي بيعيّب يعيّب ..

:

وربي أن هذا االبيت اثر علي وكثثيراً كثثثثيرااااااا..
رغم اني بنت.. ولكن هنااا.. رووح أمـووومه ...


.
استااذي عبداالعزيز..
داائمااً انت ثري بـــِ / االطرح واالفكرة .. االتي تفلج االرووح بهجة ..
وتأكد ان هنااااك / عـوودة لييى باذن الله ..
اذا مااخاانتتني / االذااكره ..

وكن بخيييييير .. وصبااااحك االـووورد أستاااذي ...


أختك

االندى

 

[الْنَّدَى عَبْدِالْرَّحْمَن]

لـــِ [ عبـد العـزيز بن سعــد ]..شـااعـر حمــل االحب علي أعتـااق االـوجــد ، وأكتسى بالدفء وضـوء االمشـاااعر.. وجعلنااا بين طياات االشعــر ساكنينااا ،،
شـااعر ألبس تـااج االجمـااال حلل وبهـاااء .. وغنى لليل بالحنين .. وامتطيناا معه .. كُل معااالم
الانهمـااار والارتواء .. فحين نقـرأ لهكـذاا .. أسم .. فلا ندمى . ولا نضمى ... منه أبـــدآآآآآآ ..

بــ اختصـااار ..

هذاا االشـاااعر يكـتب للحـب للاحساااس .. للانـثى االصـااادقــة ..
وربي حين أقـرأ له .. اكـااد اتمالك نفسي خجـلااا .. وهياااام . وذهــووول.. فـ لله دُره ..
!!
يقـوول في احدى أبيااته االسااخبة عـذوووووبه / وبنفــسج ..

شويّ شويّ يالون البنفسج
عنيف الحب لامنّه توهّج ...

يهد جباال ويغيّب أثرهاا..
ويعزل حااكم بسيفه تتوّج ..

حذااري جمر ما يطفى لهيبه ..
معاليقك بنيرانه تسيّج ...

تضيع بعالمك محدن دراابك ..
وغيرك في ضياعك ايتفرّج ..

تموت ومن ضحايا ااالحب تُحسب ..
ضحايا صابهم رمح التغنّج ..

.
.
.

وتعرف من ملامحهم عناهم ..
ذبولٍ يستحلّ وبالتدرّج ..

نحولٍ ماوراه الا التلاشي ..
ونظره تشبه لأيتااام حوّج ..

شرودٍ لو تسافر في عيوونه ..
تشوف االشوق لامنّه تعرّج ..

وتشغلهم عن االدنيا غصيبه ..
شبابيك االهيام اللي تهجّج ..

تغرّق جفنهم في صفحة االما ..
كأن االدمع وياهم تموّج ..

.
.
.

وحتى بالشعر تعرف عناهم ..
غراامٍ في قصايدهم تأجّج ..

يهزّك كل بيتٍ ينزفونه ..
كأن اروااحهم فيها تخرّج ..

ولو هي بالأماني ياعذابي ..
يضيع االعذر ويغيب االتحجّج ..

أنا ودّي أجيك بجنح طائر ..
أنااام بحضنك ونفسي تبهّج ..

ولكن هو وراه االحب بهجه ..؟
شوي شوي يالون البنفسج ...

.


.

!!

أخي عبداالعـزيييييز ..
عُـدت ســريعااا .. لكي لااا أنسىىى ..

فكن بخيييييير ..

أختك

االندى