إنسان

[ماجد العيد]

* نسيت أن أضيف نقطة مهمة بالنسبة لي و هي أنني أعود لما أكتبه في ردودي لكي أتلمّس شعور مفاجأة النص و أختبره.

 

[ماجد العيد]

ملل يا ليش ؟!

بديت استنزع الإحساس ..
بديت أجهل مسافاتي ..
بديت أركل قناعاتي ..
مللت الشاعر الحساس ..
ملل ذاتي .!

مللت أكتب عن الواقع ..
مللت استنطق الشارع ..
مللت أجمع كذا دافع ..
أحد رابح و أحد بـِ افلاس ..
بديت استنزع الإحساس ..

بديت أسخر من الطفران ..
و أعظّم بطشة السلطان ..
بديت ألعب على الميزان ..
أبرّر كثرة الحراس ..
بديت استنزع الإحساس ..

ملل يا عيشة المبدأ ..
ملل يا ليش ؟!
ملل يا نزف يستشري الحقيقة ..
يا جرّة طيش ..
أبد ما كان هـَ المبدأ ..
و قناعات و مشي سيدا ..
أساس العيش ..

يا عالم ممتلي زحمة ..
يا عالم فاقد الرحمة ..
سلّم لي على خدّ ( ...... ) ..
و كرشه و شحمه ..
أنا راحل ..
عن أطياف الحقيقة ..
و الطريق المستقيم ..
و غصّة الدفتر ..
و ليش أتعذّب بـ حالي ..
أدوّر للحقايق درب ..
لاني الشيخ الجليل ..
أو مفتي الأزهر ..

واحد من عَرِضْ هـَ الناس ..
بديت استنزع الإحساس ..

 

[ماجد العيد]

كما جاءت في ملف الوورد دون زيادة ..

* ليست لأحد .!

أعمى يكلّمْنِي ..
صرخ علي يا حْسين ..
جاوبته يا فاضل ..
أخطيت، ماني حْسين ..
ردّ و تلمّسني ..
صاح الغبي سائل :
أكيد إنت حسين ..
لك أنف مثل أنفه ..
أظن في وصفه ..
أعمى مغمّض غصب ..
شف روعة التخمين .!!!!

جاوبت يا فاضل :
و الله ماني حْسين ..
ردّ الغبي الأعمى :
قالوا : شبيه حْسين ..
أتوقعه هو إنتْ .!
كتفك مثل كتفه ..
يا هي بعد صدفة ..
ردّيت يا فاضل ..
و الله ماني حْسين ..
أعمى مغمّض غصب ..
شف روعة التخمين ..!!!

ملّ العمى منّي ..
من كثر ما يسأل ..
و جوابي نفس الشيء ..
و الله ماني حسين ..
أعمى مغمّض غصب ..
أعمى يتأمّلني !!!
شف روعة التخمين .!!!

جرّ العمى الشارع ..
في صوته البارع ..
يصرخ ينادي حسين ..
يمسك طرف هذا ..
أكيد إنت حسين ؟!
لك أنف مثل أنفه ؟!
و كتفك مثل كتفه ؟!
يردّ هـ َ المسكين ..
و الله ماني حْسين .!!

يا ناس يا عالم ..
بعض الغباء ظالم ..
.
.
تتوقعوا الأعمى ؟!
يعرف أكيد حْسين ؟!!!

 

[ماجد العيد]

[poem="font="simplified arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شايل همومي ومقفي لا تناظرني=أرجوك في عزتي لا تِدْمِع أحزاني
وارجوك امسح خطاي بصمت واعذرني=الى تباكيت ابغى آكون وحداني
ما يجبر الوقت يومه بس كسرني=ويلي على الحظ كيف انه تبلاني
يا دفتر الحزن من بالحزن سطرني=قل له ومن باب رحمة موت يمحاني
تدري وش أكثر من الأحزان فجرني ؟=إني الى ضقت وسط الكون ألقاني
وأبقى معي في قليلي بس ما اكثرني=الى تبعثرت هذا اللوح والواني
كرهت نفسي وغيم الزيف تمطرني=أعز صاحب على الموقف تحداني
قم زلزل الأرض فجرني وبعثرني=بفيق من صدمتي واستدركن ثاني
محبط ومهزوز .. فاقد صدق " أمطرني "=أقل خطوة أمل ما تحرك إيماني[/poem]

 

[ماجد العيد]

مو تقاي ..
مو أحاسيسي و نقاي ..
بعض حرفي ما هو أبيض ..
يمكن أشهب من شقاي .!
و يمكن أكْذَب .!
مدري يا عمّي ولكن ..
مالي و يّا الشعر مطلب ..
بس كذا مهموم و أكتب ..
من عناي ..
مو نقاي ..
مو لأني أبحث الظلمة فـْ حضوري ..
و مو لأني أحنث الكلمة في نوري ..
قدّ ما هـَ النور أرْتَبْ ..
و قدّ ما هـَ الشمس تكذب ..
و أبقى أكتب ..
خلف قضباني و سطوري ..
و كم لقيت السجن مهرب ..
بعدما خانت سماي ..
مو نقاي ..
مو لأني آتمثّل ألف غيمة ..
و مو لأني أدمن الصدق و أهِيْمه ..
قدّ ما آدوّر على حاجة ..
تبرّر لي بقاي ..
و الله إنْ ربّي حليم ٍ في خَطَايْ ..
مو نقاي .!

 

[ماجد العيد]

[poem="font="simplified arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وحيد بالغرفة و لا تلمس الفيش=ملموس و اللمبات حظي و نوره[/poem]



[poem="font="simplified arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يطرد وراء الكورة و أنا أطرد وراء العيش=إنعاش إصاباتي / وهو إنـ / عاش - كورة
إذا خسرت أدري خسر خلفي الجيش=و هو إن خسر قامت على الغير ثورة
حظي قسم يا هو احترف فن تطفيش=و حظّه على أمره و رايه و شوره
يا حظي الجوهر و خطّة و تلطيش=و كوزمين وراني الهبل في حضوره
هاجمت يا مْدَافِعْ ورى اللعب تقشيش=و اللي وراك أبو دعيّع و سوره
لا كورةٍ تاصل و إذا جات بـ تطيش=جمهورهم منها تباين حبوره
يا جمر لا يا عمر منثور بخشيش=يا فقر لا يا نقر تحتاج صورة؟
رابع سنة لا أهل لا ناس لا طيش=يا مستقيم الدرب صعبٍ عبوره
يا مرتّل القرآن .. بشويش .. بشويش=ما مرّ في حالي من القول سورة؟!
معقول هالقرآن وصّى على ايش؟!=رواتب الأبطال أو كاس دورة!!
يا هالتقى .. يا هالنّقا .. يا زراكيش=يا عمر .. يا غيمات حظّي و بوره
تدري بلاش أخاف محظر و شاويش=ماني بـ ناقص و الزمن بان جوره
[/poem]

 

[ماجد العيد]

لـ صديقي الذي يسأل أقول :

كل حرفٍ ما يـِعَجْبَكْ امسحه ..
ـــــ أجمل الشعر ( احنا لا قرينا ) !

 

[ماجد العيد]

ايه و أحلى ما كتبت ؟
ممممم ، ما كتبت أو ما كتبت !
و القراءة ؟
القراءة بال فاضي ..
شيء برّر لك هرائه ..
في جدل ..
و الكتابة ؟
الكتابة حال قاضي ..
يحكم لـ رأيه صوابه ..
و ما عدل ..
و الساحة ؟
على مضض ..
الساحة مسّاحة بعض !
و عن شاعر المليون ؟
اممم ، تقصد الشاعر المديون !
وش رايك بـ أحمد ؟
أحمد على قدّ ماله ..
و خالد ؟
على قدّ حاله ..
و سالم ؟
على قدّ خاله ..
و الناقد الموهوب ؟
أعيا القلم يبريه ..
يكتب عن آرائه ..
قل للذي يفهم ..
يبقى الشعر .. عبدٍ لـ قاريه !
على الطاري أبي رؤية ؟
يهزّك .. صار حرفك من يعزّك !