لي وحدي

[ميــرال]

احبك
كلمه ماهي اي كلمه
غير عن طعم الحروف
فيها شي
وفيها مي
وفيها خوف
وفيها احساس يتماهى سرمدي
يبتدي بين النوايا
ويتصببني هنوف

يستكن
وآتشيطن
ويغدي
اجمعه واطلق يدي
للريح

 

[ميــرال]

يقولون الـ يحب ينسى
واقول الـ يحب
يقسى

اذا خانه حبيب وراح

من نسى صوت الجراح
ابد ماحب
وابد ماحس
وش يعني الندى
ووش يعني تطيح الشمس
وتجرحنا يدينا

 

[ميــرال]

طعم ..الشتا نكهة صباح الخير ..بشفاتك

 

[ميــرال]

تخيلت ..إنا سوى

نسأل بعضنا

مره انت ومره ..أنا

وناقف ثواني

وكلٍ يعاند من يبتدي

ولحظة سكتنا

هي طولت مدري

او هو تلعثم حكينا

وتنتهي اللحظة ..بسؤاله

وين كنتِ

ووين انا عنك زمان

تصدق حبيبي

نفس السؤال

اللي بغيته بسأله

وين كنت

وويني انا عنك زمان

ولحظه تعانقنا بسؤال

اجمل سؤال

ماحكينا

بس بعثرنا

جواب

 

[ميــرال]

كان قصدك حنينـــي
........شوقي لك محتويني
والله ياروحي اشتاق
......بس وينك ووينــــي

 

[ميــرال]

سهر
نحتاج للذكرى تواسينا

سهر
نحتاجنا حنا نلاقينا

وسقىالله
لويوافينا زمان اول
على النيه

حبايب
لو تفارقنا
تعاهدنا
على الجيه

 

[ميــرال]

مدري كان الليل غافي ولا
ولاكان الشوق دفي
ويتغلى
ما اشوف
إلا عيونك ساهيه
وازرار بردك
وطفلٍ وراه يشدني
ويبل صدك
ويتلعثم في كفوفي
طيف شاعر
ودنيا

 

[ميــرال]

هذا
ولا هذا اللون احلى للسهر
ولاهذا الأزرق الهادي
ولا هذا
ولا هذا الأبيض الحساس والمفعم
ولا هذا
إلاهذا الأبيض الأحساس
اذكر انه قال مره

مره لما كان يحبني
قال
تبانين اكثر انوثه فيه
ومايشبهك غيرك
وعطرك المبحوح
وحبني
لما كان (.......) تهدني والله العظيم تهدني
لما اعرف انه كان

.
اصص
اسمع الساعه تدق الواحده
بس
واسمع الأشياء تنادي بعضها
وتهمس
الخواتم
والزهر اللي يبس
كل شي له روح
المرايا
والجروح
وكل ماماتت فراشه
يحتفي
صدر المكان
بعرس