أرشيف لا أكثر

[فيصل الكردي]

وطالت رحلة علاجك
وأنا باقي
على أشواقي . .
ولا تدرين . .
كيف الوجد
يشتتني وأنا أتحراك
ولو تدرين . .
كثر ما يفقدك الورد . . !!
كثر ما تفقدك غرفتك . . !!
بغيابك . . !!
وحزن مرآيتك يعكس
على الجدران آلـاـ مـه . . !!
بدون ألـوان
وأنا أنســان
بإحسـاسـي
جلست بوحدتي أتحرا ..
مـتـى تـرديــن . . ؟
وأدعـيـلك
عسى الله يشافي آلامك . .
وأدعـيـلك
إذا بانت خيوط الفجر
وتغنت بالصباح أسراب
عسى الله يردك لـ فيصل
عسى الله يردك لـ فيصل
عسى الله يردك لـ فيصل

.

.

ياكثر ماعشت لحظات الذهـول

كان وقتي بين غفوهـ وإنـهـيـــار

كنت أراقب كل صالات الدخول

انتظر فرحة دخــــولــــــك للـمـطـــار

كل مانادي المنادي بالـوصــول

كنت أجي ماأملك مع الصدمة خـيـار

رغم بإنك ماوصلتي يـاجفــول

أدري إني صرت عرضه لإنـــكســـار

تكتسي وجهي علامـات الذبـول

كل مايطغى على ليـلــي نــهــــــــار

يشتكي جسمي تعب حتى خمــول

في جحيـم إللي يسمـى إنــتــظـــــار

دامـه ألـمح صورتك حزني يـزول

ذا العـمـر ماله بلــيـــاك أعـتـــبــار

يكفي إن حسيت بالآمك أقـــول

يالله تعجل شـفـاهـا بإخـتــــــصــــار

ينتظرهـا داخلي طفـل مـلــول

آخر أيـــامـــــه على وشــــك إحتـضـــار

مابقت بـه روح وأنهكه الـنـحـول

وآخر أنـفـاسه شهق فيك إسـتــجـار !!

 

[فيصل الكردي]

تخيلت الطهر كله فقدته وداخـلـي مـوجـود
ولو لا خاطر عيونك فلا غنيت بألحانــــي
كتبتك بالحروف إللي تحس بنبضها موجود
وأنا والله ماقصدي ولكن فقدك أشقـــاني
أنا هايم مع أحلامي وطريقي عارفه مســدود
ذكرت أشواق مجهولة لشخصـ(ن) ماتمناني
أنا أدري حيل ضايقتك ولكن الوفى بوعود
بأحاول قــد ما أقــدر أدمـــر صرح وجــــداني
أبترك كل هالدنيا عشانك تصطفق برعود
لجل مايجرحك شعري ولا أتعبك بأشجانـي
وإذا حبي جرح طهرك أببكي هالدموع ورود
لعل الدمع يغفرلي خطاي إن مت وحدانـــــي

 

[فيصل الكردي]

هنا . . كان الشعر دمعه هنا ذكرى بقايا إنسـان

هنا موتي وميلادي وطريقـ(ن) مظلمـ(ن) مهجور

هنا كان الحزن صادق بقلب(ن) منكسـر هـيـمـان

هنا كان الشعر قصة غريبـ(ن) يائسـ(ن) مكسور

غيابك أتعب أحساسي وأنا أترجى الرجوع أحيـان

ولكن ماتركتي لي سوى عيونن تـمنى نـــور

سهرت أترقبك ليلي تعب مني السهر سـهــران

وحيد بأمسية حزني ولا غير النجـم جـمـهـور

وأنا إللي فيك أبحرت بمحيطات الشـعـر ربــان

ولأجلك حرك الشعر الجمـاد وصار فيه شـعـور

كذا رد الوفا يعني جزا صدقي معك نـكــــران

كذا يعني هجرتيني ولاكــني معــك مـأســور

قتلتي العاطفة فيني هدمتي حلمي إللي كـــــان

ونسيتي ماتذكرتي مصيره ذا الـزمـان يـــدور

 

[فيصل الكردي]

ياخال غبت وكن دمع السما طاح
شفت الفضاء رغم إتساعه بي يضيق
تدري رحيلك كفن القلب بجراح
حتى الشـعر أعلن حداد الـطواريق
كان الرثا إنسـان في دفنتك صاح
فجر صداهـ الصمت في داخل طويق