[ عشّـاق الفـراق ]

[محمد الكحلاني]

.
.
.


عشّاق الفراق


عاشوا ابـ / فرحة وسعادة واحضنوا حب(ن) عجيب
_____________ومن عقب رغْد السنين ../ أخبارهم صارت سـراب

لا اعرفوا من هو المنادي ومن هو اللي يستجيـب
_____________تاهوا افـ/ لحظة تبخّر دمعهم لـ/ أعلـى السحـاب

من بعد شعر و رسايل .. تنقل احسـاس / وتجيـب
_____________صار مرسى كل ذكرى عضّـة ابـ/ فـك الكـلاب

ماتت العِشرة / ومـات العيش فـي ظـل الحبيـب
_____________والمشاعر ترثـي الموقـف .. ويكفّنـه الضبـاب

انكسارات الأمانـي .. بايـد جانـي / مـا تطيـب
_____________ولا تعيـش آمـال غالـي لاتنفسـهـا عــذاب

كل انـواع التناقـض / تلجـم العشـق الغريـب
_____________وصلهم / صار بتلاسن صمـت .. زفراتـه عتـاب

تسمع اللهفة تنادي: آآآه ، يـا هـل مـن طبيـب
_____________وبلسم الطعنـات ضايـع فـي جفـون الإكتئـاب

وتغمض عيـون المواجـع والونيـن بـلا مجيـب
_____________وتنتهي العِشـرة على صرخاآات تطـوي هالكتـاب

هي حكاية كل من جـازف و لـم يخـشَ اللهيـب
_____________وانكوى بجمرة غرامـة .. وزاد شوقـه الالتهـاب

ينتظر لشـروق شمسـه / بـس ، ينتابـه مغيـب
_____________كيف يحقق كل مـراده ومـن ميادينـه يهـاب ؟!

دام سلـوى كـل عاشـق بيـن آهـات ونحيـب
_____________كل منهم له رسايـل .. توصـل لفـك الكـلاب !

.
.



.
.

 

[فهد الغبين]

الله الله عليك


يامحمد


صح كلك يابطل

 

[عبدالعزيز العميري]

محمد /

نص جميل

كنت هنا اتنفس الشعر

 

[محمد الكحلاني]

المشاركة الأصلية كتبت بواسطة فهد الغبين

الله الله عليك


يامحمد


صح كلك يابطل

صح الله بدنك أيها الجميل

تشرفت بوجودك هنا ..



لقلبك ،،

 

[عبدالرحمن السمين]

محمد

صح قلبك

 

[فاطمة ناصر]

شكراً ع الشعر العطر الذي فاحَ هُنا
لا عدمت نبضك / ومساءك شعِــرْ وقوافي ||

 

[وادرين]

محمد الكحلاني

الله ما اجمل هذا الابداع
لوحة فنيه رسم بريشه فنان متقن لفن زخرفة الحرف
تابعنا خطوات الرسم بكل تفاصيله
رائعه بكل حروفها رغم انه الالم يغلفها بغلاف الحزن
كن هنا هكذا فالكثير الكثير من القراء يتابعون قلمك بشوق

دمت بود

عمق الألم ... wadren

 

[فايز بن جبيل]

وتغمض عيـون المواجـع والونيـن بـلا مجيـب
_____________وتنتهي العِشـرة على صرخاآات تطـوي هالكتـاب

هي حكاية كل من جـازف و لـم يخـشَ اللهيـب
_____________وانكوى بجمرة غرامـة .. وزاد شوقـه الالتهـاب


نص رائع يامحمد

لا فض فاك

تفبل مودتي واحترامي