مصافح النو .!

[سعيد المري]

اتمنى ان تلامس أحاسيسكم ..

.
.


ياطير .. ياللي تقدر .. تعانق الجو
ماتحس في ضيقتك .. وانته وزاني ؟

لوفي يدي حيله على .. مصافح النو
ماشفتني ضايق .. وانا في مكاني ..

وماكان لاابكي .. ولاكان اشكو ..!
وماكان صرت اليوم .. وحدي واعاني

وماكان بي همٍ .. وماكان بي سو ..
وماكان انزف جرح واعزف معاني

من صاحبٍ غايب .. ولاتقول من هو
اللي بقلبي .. يحتفظ به .. لساني ..

ياقلبي اللي تنهش بوسطه .. الضو
وياضيقةٍ طالت .. وهي بالمحاني ..

لو.. إني اتمنى .. أو يقال لي .. لو
فـ ياليت أشوفه .. لو.. مجرد ثواني

لاآصله في داره .. ولاآجيه بالقو..
كله .. علشان الغلا .. في كياني

اللي بحبه .. ماكلٍ حولي الجو
ألغى غرامه مترفات ... وغواني

وكانه يبيني أجلس بجانبه .. او
اهنا بشوفه بس ... وارجع مكاني

.
.

ع/ط

 

[عبدالله العويمر]

سعيد
أحَاسِيْسُك َ تَصِل ُ القَلْب
صَح لْسَانِك
مَحَبّتي

 

[سعيد المري]

المشاركة الأصلية كتبت بواسطة عبدالله العويمر

سعيد
أحَاسِيْسُك َ تَصِل ُ القَلْب
صَح لْسَانِك
مَحَبّتي

.
.

عبدالله العويمر

صح بدنك ويسلم راسك يالغالي