للضيقه طعم ثاني

محمد عوده البلوي · 05-31-2009, 05:59 AM

.

.

اسعد الله صباحكم

.

.

هي لمن يستحق ..

وانتم تستحقونها بعلو ذائقه وتواضع كرام

.

.

[poem="font="simplified arabic,5,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يا حرفي اقلط والورق لك زل=تفرّش الأوراق وإقراني
خش بتفاصيلي عظيم ..وذل=واستمطر إحساسي وتلقاني..
عطشان... لكني سقيت الكل=إلا أنا ... وأحق خلاني
اصدق مشاعر بين خل وخل=كيف احتويها بين قيفاني ..؟
لو اجلس اكتب والقصيد يهل=أحس في نقصه إذا جاني
من الخجل وصف الغلا يبتل=ويذوب تعبيري مع الحاني
الشعر كله ما يسد .. أو قل=الشعر لم يوجد على شاني
مزري يعبّر عن شعوري .. ول=وآنا اللي بقلبي على لساني
محتار وأسعى بين كثر وقل=محتاج أعدل ميل ميزاني
وش لون اتل اكبر سحابه ... تل=للي ضما لي بعد مـ أسقاني
ما فيه لإحساس المحبه حل=إلا الوفاء من قلب متفاني
واغلا المحبين الوفاء له حل=أثمر غلاه وميّل أغصاني
يقطف ثمر حبه وأنا ما آملّ=من وسم قطفه والعمر فاني..
قبل أومي بكف الجفا ينشل=وكف الوصل من بينّا داني
وهو طهر قلبه ما دخل به غل=ولا داج به غيري من أقراني
ما زل من قبلي ... وفي ما زل=يقين في قلبي ووجداني
ظل وذرى يوم الذرى والظل=سر الوجود وغاية الباني
وعلى المحبه والوداد .. يدل=حنانه الصادق وعرفاني
دايم هو إن خاف وتضايق.. سل=سيفٍ يعود بهامة الجاني
وانا اليا من ضاق صدري طل=طلة تبدد ظلمة أحزاني
بحضوره الضيقه تلاشى ..بل=يصير للضيقه طعم ثاني ..!
وأقول كيف أوفي معاه.. وهل..؟=أرضيه بكره مثل.. ما أرضاني ..؟[/poem]

تحياتي

فاطمة ناصر · 05-31-2009, 06:21 AM

صباحك ورد
القدير محمـد البلوي

عطشان... لكنـي سقيـت الكـل
_____ إلاأنــا ... وأحــق خـلانـي

للحروف هنا صدى عميق..
هي الروح حين تسمو وتعلو .. !
نص يغري بالتأمل.. ويدعو إلى الاستغراق..
إحترامي وتقديري

محمد الناصر الشهري · 05-31-2009, 08:48 AM

محمد البلوي ..

شاعرية منسكبة كإنسكاب الغيث على أرض الورق .

صح كلك ..!

م / ن

عبدالله العويمر · 05-31-2009, 09:22 AM

محمد
صَبَاحُ ُ تَمرّه ُ أنْت َ هُو صَبَاحُ ُ مَاطِر
فِي كُل حُضُور تُؤكّد أنّ الشّعْر بَيْن كَفّيْك مَطَر وَزَهَر

هَذَا النّص أشْبَه بِالنّور

صَبَاحُكَ مُبْهِج

خلف المهيلان · 05-31-2009, 10:41 AM

محمد هذا النص
كله رذاذ وندى ولطف وشعر
اجتمعو كالعاده
بملجس صدرك
وسولفو الشعر حتى صرنا كلنا اصغاء
وإندهاش
امتعت ياعذب
ودي لقلبك
خ م

[/quote]

محمد عوده البلوي · 05-31-2009, 04:04 PM

شاعرة آل شمس

اطلالتك هنا في هذا الصباح ليس الا شروق

يضئ المكان ويضيف له بعد جمالي ويبقى

شكراً لك

تحياتي وتقديري

الذين يشاهدون محتوى الموضوع الآن : 1 ( الأعضاء 0 والزوار 1)