[رحلة الحُب] >

[مبروك بن ماضي]

[poem=font=",6,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
( رحلة الحب )

رغم ونة خفوقي رعشته وارتجافه = ماشعرتي بنبض القلب لي تـسكنينه
إنّه الحب ، لكن للأسف ياحسافه =تستخفين باحساسي وتتجاهلينه
أرفقي بالخفوق اللي ملكتي شغافه =دامه أصبح متيّم في يدينك رهينه
وإن تقولين عرف لي الهوى وش وصافه = طالعي في عيوني كان ماتعرفينه
وارجع آضيف جمله في غرامك إضافه = إن جهلتي المحبه فالغلا انتي بعينه
بين قلبي وقلبك مابغينا كلافه = ريحي طرفك النعسان لاتسهرينه
واتركيني أسافر في عيونك مـسـافـه=( رحلة الحب ) ماتتعب شراع الـسـفـيـنـه
صدقيني سواد العين والرمش أخافه =كم فؤادٍ بنظرات الغلا تـطعنينه
توي أدري بأن العمر لي مرْ تـافه = بعد ماضاعت بْدونك ومرت سنينه
يحس به من بلي في العشق مثلي وشافه =كيف يسلى وطيفك دوم قدام عـيـنـه
ليه ماتشفقي بي وتأخذك بي رأفه = سلـميني يمينك وإخذي اللي تبينه
والله إني أحبك حب ماهو خرافه = صعب يخطر على بالك وتتصورينه
لانك الذوق كله والحلا واللطافه = إضحكي ما أبي شوفك بلحظه حزينه


*****************
أخوكم.ومحبكم / بن مـاضي[/poem]

 

[وليد الفالح]

مبروك بن ماضي
كان لي شرف الحضور الأول
نص يستحق الأحتفاء
مودتي

 

[هدب]

مبروك بن ماضي
:
:
قصيدة عذبه وراااائعة

سلم نبض قلمك

دمت بحـــب

 

[السندريلا]

واتركيني اسافر في عيونك مسافة
رحلة الحب ماتتعب شراع السفينة

الْبيْتَ سَافَرَ بِنَا حَول افْلاك وَ مَدَارَات
صَحْ لسَانكَ ..
وَ 00 دَامَ قَلمكَ يُدثِرُ الْحَرفَ بِـ الْرَوعَةِ / الألَقِ

♦.
♦.

احْترَاميْ ..

 

[خالد السويلمي]

مبروك بن ماضي

تشرفت بمعانقة هذه الفارهه من قبل

ولإعجابي بها صافحتها مجدداً

بن ماضي

في كل مرّه أجدك أعذب

تقديري ومودتي

 

[ميــرال]

لم ابتسم يوماً او يسعدني الم الآخرين إلاشعراً

وهنا ابتسمت / نص برغم مافيه مذهل


شكراً لاتنتهي

 

[أصيله المعمري]

مبروك بن ماضي
نحن كلنا نشتاق وجودك و جودك

شكراً لهذا الحضور البهي
شكراً لهذه الرحله التي ترتب قلوبنا وذوائقنا
شكراً لأنك تعود
كما خلقك الله من الشعر

شكراً شكراً
شكراً