(( صـمـتـــ الـبـــوحـــ )) ..

[محمد العمرو]

الظاهر اني من اسبوع قفيّت
وماعاد لي ارجوك بالسالفه شف
..
تشابهت كل السواللف وكفيت
وابنتظر لكن ترى بآخر الصف
..
لاجيت من يمناك تزعل ولفيّت
كنك صفقت اللي بنيناه بالكف
..
وابشرك شفني مع الوقت خفيّت
ويطريك رمشي بالتفاصيل .. لآرف

 

[محمد العمرو]

..




إعذريني ياتفاصيل المرايا
واسعفيني يامواعيد الغروب
..
وش بقى لي ياتغاليف الهدايا
والهوى مجتاح من كل صوب
..
النوايا دآخل اقفاص النوايا
والغلا مفتاح سرك يالقلوب
..
مافضحت السر وابديت الخفايا
قلت كلمة حق مافيها عيوب
..
قلت احبك ( إيه احبك ) يادوايا
(...) والقلب لجلك مايتوب

 

[محمد العمرو]

( كرت الهديه )

..






افرح إيلا شفت الرساله تجي منك
وتفرح معي كل الهواتف والارقام
..
وعشان مانفقد حضورك ونضمنك
هاذا جديد ويطلبك عشق وهيام
..
يازين حضه فيك يومه تلونك
ويطلب عشمك ايام وشهور واعوام
..
من شدة افراحه تراقص وأدمنك
وتبسمت فيه البرامج والافلام
..
مآوده الا يالغلا يختصر عنك
نبض الصور لآمن تعزوت به الكآم
..
ياساكنه بالروح والقلب موطنك
روفي على ضيفٍ يحبك من العام

 

[محمد العمرو]

..




والله ماني على فرقاك متردد
ياللي على كل المواعيد مغصوبه
..
انتي سعيده .. وانا بعد أسعد
مستآنسه واقول انها / توبه
..
يوم الندم طاغي والغلا مبعد
ذيك المشاعر يالتفاصيل مكذوبه
..
يمكن نسيتي إني ( محمد )
وافرح اذا شفت القوانين مقلوبه

 

[محمد العمرو]

..


كلامك اللي مرسله وانت زعلان
بسيط لو غيرك من الناس قاله
..
حاولت اسمي زلتك زلة السان
لكنها مكتوبة ٍ ( في رساله )
..
لآتجبر المهموم يفرح بالاحزان
كنك تدور في جروحي جماله
..
وانا على شان أباقول غلطان
والله ماهي يانديمي جماله
..
لكنها وقفت شجاعه وفرسان
واحطها في خانة ( الواتس ) حاله




..