الزمن بوّار

[عادل الدوسري]

تلعبين الدور و الوضع اختلف
والزمن بوّار و العالم تبور

كل ما نقفل ملف يفتح ملف
وكل ما نقطع جسر تفتح جسور

وكل ما روّح سلف ياتي خلف
كلهم يمشون مع خط العبور

يا لبيب العود وش لك بالصلف
دام مالك في الهوى قلبٍ جسور

الهوى نقدي ولا يقبل سلف
عادة العاشق ترى ماهو صبور

انشد اللي قد كتب في المختلف
في دواوين القصايد له سطور

هاجسٍ بالقلب متلفني تلف
و مكرة الاحزان في قلبي تدور

المجامل ماوراه الا الكلف
لو بعض الاجواد ما منها قصور

رفقة الرديان ما فيها ولف
مصلحة شهرين الى تسعة شهور

و ينتهي المشوار مع اقرب ملف
قبل تفتيش الجمارك و المرور

تحياتي

 

[سعيد الموسى]

عذب في هذا النص وجميل ومختلف ياعادل ..

 

[عبدالله العتيبي]

صح لسانك عادل وصح قلبك
اشهد بالله انك مختلف

 

[عبدالإله المالك]

يا سلام يا عادل أجملت وافضلت
حييت