_-_- [] درب الأماني [] _-_-

[مشاري الهباد الشمري]

السلام عليكم ورحمة الله ..

:

صلوا على النبي ..


:

شكيت .. لـ ذا الورق , غيبـْتك وهجرك ,
وعطـّرته بــ أحاسيس .. ومعاني !


وتعـبـّت القلم .. من كثر ما أنحت ..
حروف اسمك : على درب ( الأمــاني ) ..


لأن غيـبـْتك عن عيني , مصيبة !
وأنا ببعدك ترا أشقى ... وأعاني ...


أنا ببعدك : كأني ( قاع ) ناشف ,
عشقت الغيث ... لكن ماسقاني ...


مضى وقتي وعمري , بإنتظاره ,
وأثاري الوقت مغرور وأناني .. !


تنفست الأسى بــ أسباب ظلمة ..
خذا منيّ , ولــكــن ماعطاني ..


ويبعثرني الزمن , لاغبت عني !
وينثرني على أوراقي ( معاني ) ..


وإذا غابت عيوني عن عيونك ..
أحس إني وحيد(ن) في زمانـي !,,


وأسولف للقمر ... والليل ... ( عـنـّك ) !
وأشيّد لك قصور(ن) بالمحاني ... ,


وأكتم لوعتي , بأقصى خفوقي ..
ولا يحسّ بــ ( أساي ) إلا المباني .. ,


وكل ماتطري ذكراك , بــ خيالي !,
ووقتي / بحزني / وهمومي / بلاني ؟! .,


صبرت وقلت : دنيانا صعيبة ,,
وزرعت بـ دربي آمال وأماني ..


عشان الغيث , إذا صادفني ( بكرة ) ..
يجي يروي الأمل ... وأطلق عناني ..


وتنبت : فرحة / وضحكة / وبسمة ..
وأنسى إنيّ كنت ( أشكي ) وأعاني !,,


ولكن الزمن .. ؟ ,, ( دايم عدوّي ) ..
بـ وجاعه , وبالآمه - مـلاني - !


ولا ( واسا ) همومي غير ليل(ن) ..
نسى همومه ... ولكن مـا نساني !,


وتلعب بي الهواجس كل ساعه ... ,
وأنا بـ دربي , وليلي اكتساني ..


وكل ما أتذكر أعوام(ن) خوالي ..
أبوووح الهم لـ ( سهيل اليماني ) ..


وأتحسّر على ذيك الليالي ..
وأنا تايه على دربي , وعاني ,!


وعويت بـ ليلتي فوق الرجومي ..
وتمنيتك , تعوّد يــا ( زماني ) !,,,


وتمنيّت الأماني تصير : واقع ..
ولكن وقتي .. عاندني وعصاني ..


ياليت الوقت ما يكسر خواطر ,,
ووقت البعد ياليته ( ثـواااني ) !,


وياليت الحظ .. ؟ ينصفني وينصف :-
حبيب(ن) لا رويته ... ولا رواني !,


.....
...
..
.


وسلامتكم ..