مؤيد لا تخليني !!

[مؤيد الغريبي]

لـ صهيب ..

ولانه قال اريد ان تفعل ما في توقيعك ..

ولكم

.
.


أنا الليل العديم الواضح الخافي قليل حكاه
...... وأنا ذاك النهار المظلم اللي ما عرف ويني ..

انا الأقصى من الأدنى دخيلك لا تهزّ ادناه
.... ترى الأدنى يبي يرقا على كتفي .. ويكويني !!

ينرفز هاليدين شعور ما يكتب وانا اقراه
.... غبي ماشي ولا يدري بأنه بيـــن يديني ..

يسفرّه المدى لهفه تغرغر يا مدى ابغاه
... وينتج من يتيم الصوت ( مؤيد لا تخليني !! )

هنا يستأنف الأجمل من الأحلى على معناه
... هنا الآتي هنا القادم هنا من غير مـ عنيني

اذن وان مالت دروبي ومجنون المواقف تاه
... تشوفه أوضح من الشمس الا يالمختفي بيني !

غفيت أحلم صحيت ارسم مشاهد للرواة رواه ..!
... سجدت امحي خطاوي ناس ترميني وتخطيني ... !

لهم وإلا لكم وإلا لنا .. هذا أنا ........ وياه ..
... تعالوا خوذوا الدنيا .. وانا هذي ... تكفيني ..... !

الأ يا شهقة الطهر العفيف اللي تعرف الله !
... يمين الله مو ذنبي اذا هـ الرب .. يعطيني .. !




اخوكم ..

 

[محمد الضويحي]

بحق يا مؤيد .. أعطاك الله موهبة جميلة تستحق الوقوف
نص جميل تكتبه يد شاعر يعرف كيف يطرز الحرف بحلل
ثمينه ... شكرا كثيرا .. لهكذا عطاء



.

 

[ناصر حطاب الدهمشي]

يمين الله إن الشعر يحبَّك
يمين الله إنَّك مُميَّز و عذب جدا ً
يمين الله إنَّك كتبت الأعذب والأصعب من الشعر

مؤيد .. أنت الأفضل

أخوك
.
.
ناصر الدهمشي

 

[ميــرال]

أنا الليل العديم الواضح الخافي قليل حكاه
...... وأنا ذاك النهار المظلم اللي ما عرف ويني ..

انا الأقصى من الأدنى دخيلك لا تهزّ ادناه
.... ترى الأدنى يبي يرقا على كتفي .. ويكويني !!


مؤيد
لاحرمنا وجودك المدهش
نص مدهش ومن اجمل ماكتبت

يسعد مساك

 

[فهد البيضاني]

انا الأقصى من الأدنى دخيلك لا تهزّ ادناه
.... ترى الأدنى يبي يرقا على كتفي .. ويكويني !!





ياسلام يامؤيد ياسلام


انت تعرف شهادتي فيك



صح لسااانك مدد ولاهنت على هالباذخه


تقبل مروري


ودي

 

[مؤيد الغريبي]

محمد الضويحي

الآن ايقنت اني كتبت ما يستدعي حضورك

شكراً لك ولوقوفك

اخوك

 

[مؤيد الغريبي]

ناصر

يميـــن الله .. او مالك علي يمين ..

اننا انا والشعر نحبكــ

اخوك

 

[مؤيد الغريبي]

ميـرال

ولا حرمني الله وجودك ..

لم اعرف

الدهشه .. إلا بمرورك ..

اخوك