آخر حرف

[حنان العصيمي]

هون علــى قلبي ترى فيه علة
داوي جروحــه ثم سو ما بدالك

روحي على حبك غصون مظلة
حرام تقطعها وانا أرجي وصالك

 

[نايف السميري]

.
.
كنك حنين الليالي للصباحـات ...!
............. أكــثــرك مرهــق واقـــلــك مايــكــفـــي !!
تجدل الصبر بس تموت هقوات ...!
............. ويكبر بك الخوف والصبح المقفي !!
،

 

[فاتن حسين]

ياوقت وين اللي على بالي يجي ويروح ...هذاك اللي ملك قلبي وتفكيري و وجداني.
اموت بطيفه اللي لا لمحته تنتشيني روح...احس اني اذا شفته كأني بعالم (ن) ثاني...!

 

[حنان العصيمي]

يلّي عيوني منزلك
سو الذي يرضيك
إن كان هذا أوّلك
ينعاف تاليك
متعوب منك
والسبب عطفي
متعوب ..
ماقدر يالحبيب أخفي
وفر كلامك
ما حصل يكفي
عذبتني
ربي عسى يهنيك
جرح الصبر
يبكي على جرحي
كل المعاني هزها شرحي
مابي الفرح لو جيّتك فرحي
ماعاد يهمني
لو طروا طاريك ..


( فايق عبدالجليل )

 

[عبدالله صلال العساف]

عادت مشاعرنا على البحر الاول
للشاطي اللي ملتحف خطوتينا
اثارنا تثبت ترى ماتحوّل
ومسكين قلب مالقا اي مينا
اعطيتها البيبسي على ماتنوّل
وهي جابت من السندويش وكلينا
نضحك ونترك كل شخصٍ تقوّل
عن كل همسات النواظر سلينا
قالتلي انت اوّل وقلتي انتي اوّل
وتخربط الترتيب لمّ...ن بدينا
عبدالله صلال العساف

 

[حنان العصيمي]

أغرس علـى صدر الهوى طعنة إيـديـك
وادفــن غــلاي ومـاضـي الـحـب خـلّــه

كنـت أمس غالـي لكـن الـيـوم ما أبـيـك
مــا أبيك لـــو إنّـــك دوى كـــل عـلّـة

أبتركك لـو صـوت الأشواق يدعـيـك
وامحـي الغـلا مـن داخــل القـلـب كـلّـه

 

[عبدالله صلال العساف]

هذي اعيونك جتني بأوّل الليل ؟
والا نجوم الليل بك ذكّرنيّ ..!
هذي اخدودك والا ضي القناديل
اللي اسهرن في غيبتك واسهرني
عبدالله صلال العساف

 

[حنان العصيمي]

يعود العيد والمحبوب ماعـاد
وانا من لوعتي ونيت ياعيـد

هلا ياعيد بك لومابك اسعـاد
ولو ماشوف بك غير التجاعيد

تمنيت الوصال اليـوم ينعـاد
ونفرح فيك لو عاد المباعيـد

هلا بك لوحبيب الروح ماعاد
بخبي حسرتي واياك ياعيـد