رسـائـل لـ لـ يـاسـمـيـنـة

[صالح العرجان]

"يابحر عذراً جزيلاً .. يابحر يمكن نساني
يمكن..أن الحظ قاصر..والعمر رحلة قصيرة"

"جيت له والعمر فرحة .. وخفت يسبقني زماني
وتنكسر كل العواطف ... وأكره الدرب ومسيره "

"أعترف أني رميته .. وأعترف أنه رماني
في متاهات الزمان .. اللي أبد ماذقت خيره"

"يابحر وأنت الوحيد .. اللي بالأحزان أحتواني
حلم وأمال وأماني .. وموج يطربني هديره "

 

[صالح العرجان]

ماني مطول بالحكي واقولهـا لجلـك تعـال
واللي خلقني من بعد غيبتـك مافينـي صبـر


وان كان مالك نية برجعتك يالمـاء الـزلال
يكفي على شانك بموت من الضما قبل اختصر


طاري البعاد وغيبتك والدمع كيف الدمع سال
طاري البعاد المبتدأ والدمع فـي عينـي خبـر

 

[صالح العرجان]

"مليت من هالاماني ،،دام ماهـي ممكنـه
لاهي تحقق،، ولا ياسي بوجهـي يبيـن"

"لوين انا وانت،، مثل الشمس والازمنـه
مع كل صبحٍ يجددني لشمسـك حنيـن"

 

[صالح العرجان]

"على حد الكلام وممتلي صدري مطر وسيول

وقفت ولا معي غير الورق في صدقي وخوفي"



"ابكتب لي قصيدة لا ظلال ولا لها جرة ولا مدلول

واخاف من الكلام يخونني،، واخاف لو يوفي"



"في قلبي صمت ليل وخوف خطوة وارتعاش حجول

في قلبي ضحك وأنفاس وغرور ودمع في حروفي "

 

[صالح العرجان]

:

والله مدري ليه ضايق و مخنوق
وأحس به نبرة بكا في كلامي

لا لا تهيضني على الدمع ياموق
أدنات والله ما يمطّر غمامي

ياعين كانه دمع هلّيه ول فوق
ما ودي أشعر بانكساري أمامي

:

 

[صالح العرجان]

"لا تخاف من الزمان الزمان ما له آمان
قلبك اللي هو قلبك ... لا تحسب انك ضامنه"

"ايش ترجى من زمانك النتيجه باينه
نكتشف مر الحقيقه... بعد ما يفوت الاوان"

"لا تعّذر بحتياجك كلنا ناقص حنان
كلنا طفل يتمنى اي شخص يحضنه"

"نبني الدنيا وحنا نوقف في نفس المكان
للأسف ... ينقص وفانا مع مرور الازمنه"

 

[صالح العرجان]

"مثل الذبول اللي كسا صبح الازهار
جيتي تقودين الغلا،،، للمنايا"

"جيتي اسى جيتي الم ،،، جيتي انكار
وعد سرقتي فيه،، حلم الصبايا"

"ان كان ودك جرحي،،، وشبة النار
يادنيتي،، قلبي ملته الرزايا"

"بوعدك يادنيتي،،، موعد احرار
احفر انا قبر الخطا،، والخطايا "

 

[صالح العرجان]

.


ادور لي عذر مقنـع لعلّـي
اذا قفّيـت دمعـي مايهـلّـي

واكون اقوى على بعد الولايف
واشد القلـب حتـى مايذلّـي

بعيد ارحل لجل مسمع لصوته
اخاف ليا دعاني جيـت كلّـي


\