تعال واكتب حالتك/لحظتك شعراً ..!

[بندر الصقر]

المشاركة الأصلية كتبت بواسطة نيرفانا

‏من باب: " كذب أحباب "
‏صوتك مثل: حفلة مطر
‏وكل الحضور: أعشاب !

الله الله الله

 

[نيرفانا]

^




‏مو لحالك ..
‏كلنا في الظلما:
‏اخوة ..
‏حالنا في الحزن: حالك !

 

[بندر الصقر]

يا صاحبي خذني على قد الأشواق وأن زدتها خذني على قد عقلي


وش حيلتي في غيبتك خاطري ضاق
وطاوعني إحساسي وطاوعت رجلي

 

[نيرفانا]

,*




‏مابين واقع من: تعب
‏وأحلام من حفنة : سلام .
‏يجتاحني صوتك: مطر
‏ ويطير عن غصني:الكلام .

 

[نيرفانا]

’*
النادل اللي تظّنه يمسح الطاولة
هو يمسح أحلام الناس وباقي أصواتهم !

 

[حنان العصيمي]

اصعب سؤال اللي جوابه للأسف مثله سؤال !!
ما هو تفلسف !!الا موقف صار واسمع " ثاني بيت" :

البارحه يومه سأل : وش ذكرك ذيك الليال ؟
كان الجواب بكل بساطه :من متى اصلا نسيت ؟

 

[عبدالله الجودي]

.
.




‏على كثر ما طال البعاد .. وتجافينا
يقولون للحين اتذكّر .. وأنا أقول ايه




أنا كيف أبنسى واحدٍ من .. تلاقينا
وأنا يا أسولف معه والا أسولف فيه




.
.

 

[حاتم منصور]

بعض البشر ماهمه الا الذوق العام
........... و افعل محرم ما يتحرك فيه اي شي