.... امـــا قــــبـــــل ....

[نايف الروقي]

كلما قلت خف الشوق وقت المغيب
اضرمت ذكريات الخل ليل البعاد
"
ماطفا صبح شبّه نور وجه الحبيب
لو غفا طرف مجنونه بلذة سهاد
"
ياحيام المشاعر هالقدر والنصيب
سكرة الافتقاد اول طعون الفؤاد
"
لو تودي شفوف الفقد وصل تجيب
كان فرحة زماني ما اكتساها السواد
"
الروقي .. ن ..

 

[نايف الروقي]

:
تهادي ماتهادى فالعروق الا تعب مسراي
وتمادي ماتمادى فالخفوق الا شقا سنيني
:
يسابقني ظلالي في مساي ومقصده مثواي
يناور لجل يشعلبه بقايا جمرته فيني
:
وانا اللي لاغفا السالي بنومه عطرفت ليلاي
بسمعي لين احس الموت يسري في شراييني
:
الروقي ..ن..

 

[نايف الروقي]

:
وكان يهمس لها ذات نشوه
:
جودك وجودك دفا والصمت دجال
ملجاي عن قسوة الاقدار لينك
:
من بطش وحشتك جر الصمت موال
في لذة النوم ضج النبض وينــك
:
يـ اطهر من الدمع عند العفو لاسال
واقرب من السجده لطاهر جبينك
:
حبك لحاله وغيرك حبه لحال
حده تجاوز محبة والدينك
:
الروقي ..ن..

 

[نايف الروقي]

:
لامر ذكر دبي ينتابني شئ
سولفبه الواقع على اطياف الاحلام
:
يزيح وجه الليل لاشاح بالضي
سربل عناقيد الضيا وجهه وسام
:
برج العرب من لعب رجليه فالمي
ناموا هله كود السحر حي مانام
:
من بعد جيتها توحد لها هي
وارى مجاميع الحسن تحت الاقدام
:
المشرق الموعود بأغداقة الفي
ركز لها في قمة الحسن الاعلام

:
الروقي ..ن..

 

[نايف الروقي]

:
لو إني اقدر اجمعني بشفتها
اصبحت مثل العسل مافارق شفاها
:
ولو اني اقدر اشتتني بعبرتها
ماكنت انا من سلت به مثل حلواها
:
الروقي ..ن..

 

[نايف الروقي]

:
طبيعي اشتاق لك واحتاج واتنثر
على عيون الغياب الله لا يبيحه
:
تعال شوف التعب مشكور ماقصر
أما هجدني لفاني حين تصبيحه
:
وانا بقلبي سعاير لهفتي تكبر
سافربك العيد وانا طيحتي طيحه
:
الروقي ..ن..

 

[نايف الروقي]

:
مدري عيوني سرت تجمع تفاصيلك
والا انت جمعت كل الزين بعيوني
:
اصبحت اخاف العما من كثر حبيلك
معك فقط شخص ثاني فيك مجنوني
:
الروقي ..ن..

 

[نايف الروقي]

:

لا تصدقني ..
أنا اللي ماني مصدق
بأنك كنت أنا في يوم مني ..!!