رسـائـل لـ لـ يـاسـمـيـنـة

[صالح العرجان]

الهنوف اللي بدت معي الغرام من البدايـه
جيتها كلي عسى الخلاق يهـدي والديهـا

جيتها ما املك لهلها لاضـلال ولاهدايـه
غير كلمة عاشق باقصى ضميري محتسيها

كلمة عندي وصاه وقلبهـا راع الوصايـه
انشدوها كـان تبغانـي فانارجـال ابيهـا

ياحبيبي جيت من شانك تدرجنـي خطايـه
شوكتين اشوفها والباقيـات آطـى عليهـا

جيت خاتم ركعتين الاستخـاره والقرايـه
يالله اجعل خيرتي فالحاجه اللي مهتويهـا

ياحبيبي والله ان مالي مع اهلك غير غايـه
غايةٍانصاب منهـا واتعـزوى واحتميهـا

غايةٍ من دونها ماعاد فـي قلبـي عنايـه
داه منها ون بغيت احلف لك ان دواه فيهـا


؟

 

[صالح العرجان]

؟


؟


؟


ياهني اللمبه اللي فـوق بـرواز المرايـه
نورها يكشف عليك وغرتك تكشف عليهـا

 

[صالح العرجان]

ياضيوف الشاطي الشرقـي ويـاروّاده
التحيّه مـن يوصلهـا شواطـي جـدّه

ديرة القلب المتيّـم والجبـر والسـاده
والغزال اللي على مسكانهـا الله حـدّه

الغزال اللي خذا من خافقـي مـاراده
سلوته وملاطف اصحابه وقـوّة سـدّه

اخذ منّي مااشتهى وانا سنـه وزيـاده
اتبعه ماقلت لـه هاتـه وهـو مـاردّه

ضحكته ياخذ بها خرج جملي وشـداده
وانزعاجة خاطره ضيقه وساعة شـدّه

والنوايا بيض والميعاد حسـب العـاده
والشرف جدرٍ عمره الله وانـا ماهـدّه

 

[صالح العرجان]

وقف في طريقك وقفة الجنـدي الموقـوف
تحيّـة قيـاده واستـلام امــر وتحـيّـه

وقوف ارتباك وتمتمه فيه شـرح ظـروف
وسـوق المشاعـر ولاحاسيـس جاهـيّّـه

وانا مااقف قدمك نقص فالقدر واللا خـوف
اقف لك حسـب سلـم الهـوى والهواويّـه

وغيرك عنه حلو النبا والنظـر مصـروف
لكن انـت الـك فالقلـب اشـاره وماريّـه

عشقت وخطفني من صدوف الهوى خاطوف
وضيّـع عليّـه ملـك كسـرى وكرسيّـه

 

[صالح العرجان]

تزعـل واراضيـك واتلـذذ بتزعيلـك
تبي الصراحه انـا مجنـون زعلاتـك



لاقمـت تبعـد وانـا اقـرب وادنيلـك
وامسك طرف غترتي وامش دمعاتـك



وتبدي تعاتب وانا كـل انتبااهـي لـك
ما اسمعك شتقول انا عيني على شفاتك



وتعيد حجيك وتفـرك حيـل منديلـك
وتخالطـت صـادق حروفـك بوناتـك



واحاول ارضيك ومدري منين ابديلـك
واحتار واذكـرك فـي بعـض زلاتـك



واسمعـك ماكتبتـه بـك واغنيـلـك
طاروقك اللي تحبـه واكسـر سكاتـك



واستسمحك واعذرك واسمعك واشكيلك
واتلهـف لبسمتـك ورد ضحكـاتـك

 

[صالح العرجان]

جمـال نـجـد وفتـنـة حايلـيـه
وش جمـع الثنتيـن فيهـا عجايـب

اليـا قبلـت بيـن حسنـات وسيـه
يا كثر ذنبي بين طيـب وغصايـب

وليـا دبـرت فـي دمعتيـن نديـه
قلب معاها وقلب في الصـدر ذايـب

راح العمر ما بيـن روحـه وجيـه
يا كثـر غلطاتـي ولا نيـب هايـب

شب الجمر مـا دام الاشـواق حيـه
وطف العتب والعمر ضحك ومصايب

 

[صالح العرجان]

حروف الشعر ماتوفيك.. ياعينـي .. وماتـوا فيـك
ولا ضنـي بقـى للشعـر بعـدك للاسـف خانـه


انا كل حرف لك فيني حكـى ينعـي بكـى يرثيـك
شكـى مـا للصبـر الا الصبـر ياجـور هجرانـه


ياطفلـه والدلـع خالـط شقاوه والكبـر مغويـك
متى ليل الشقـى يبـري جـروح ويزعـج ألحانـه


تجيني تسحب الخطوه خجل .. كن الخجل معميـك
وانا عيني علـى شوفـة خجلـك -بجـد- شفقانـه


واجيك وكل عـرقٍ داخلـي بـه لهفـه .. يناديـك
واضم روحي على روحك .. غريب وعانق اوطانه


قريب .. وعيني بعينك .. واشوف عيونـي بعينيـك
هنا .. فيني ثماله عشق ,, وصحوة صاحب الحانـه


تصور .. لا سمعت اسمي بصوتك .. مااقدر احاكيك
الى من قلت لي (سلطـان) غـاب الكـون والوانـه


تعال .. الله وكيلك .. كـل جـرحٍ داخلـي يدعيـك
تعال وجـدد العشـق الدفيـن .. وشتـت احزانـه

 

[صالح العرجان]

::



كان الوفا أصبح (غبا) باسبابي
قولوا لهم ذا البيت لاينسونه :

في ذا الزمن .. خلك كذا متغابي
وشف كيف جوّ الأغبيا وشلونه

وخلك مسالم في زمان ارهابي
ترتاح من جرح الزمن وطعونه


::