سحابة (مدري) ...اللي وبلها بعدين ..!

[محمد عوده البلوي]

.



.

[poem="font="courier new,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]على شرفة مشاعر صادقه كنا هنا يا عين=سوالفنا مطر والهمس ديم وصمتنا نسناس
في أول ليله الشعر المضيف وثالث الاثنين=ينسينا قبل نذكر وننسى نفوسنا والناس
في ثاني ليله حكايه قصيده ضحكه وبيتين=سعاده مطلقه وأحلام ورديه وبنيّة ساس
في ثالث ليله أمسينا على كف السهر قلبين=وصحا الفجر ولقانا قلب واحد .. في يدين إحساس
سرت فينا مشاعرنا وضعنا من يدينا لين=صحينا بعد غيبوبه بصحو بنت عم إنعاس
سألته وين قلبي..؟ قال مدري .. قلبي اللي وين...!=نظرت وقال لا باس .. ونظر بي قلت له ما باس
عرفت إن المحبه روح حيّه واحتوت روحين=وحسيت الفراق وقمت احَبْس الدمع والأنفاس
توادعنا وتقسمنا المواجع والشقا والبين=وكلن ظرفه أقفا به يجره للأمل.. للياس
عليه يدقني قلبي وأنا حظي من أول شين=وأخاف إن الظروف تعانده وتصير دقة راس
حرام نصير واحد وأخرتها ننقسم نصفين=عذاب سنين نظما وينكسر بين اليدين الكاس
على رجوا ( سحابة مدري ) اللي ( وبلها بعدين )=تواعدنا بمشاعر ممطره وعروقنا يبّاس[/poem]

تحياتي