[عَــآزِفَـةُ الحَرْف]

[أروى التميمي]

"

من كثر ما شهق ، وأزفر

صارت إعيوني مدآخن ..!!

 

[أروى التميمي]

"



أبكْي ؛ أنـآك ..!!

 

[أروى التميمي]

"



أذكر إنك

كنتي طفله

في يدينك تكتبين

ألف خط وألف خط

ول حياتك

ترمسين

وأذكر إنك كنتي حلوه

في غرورك كنتي حلوه

في دلالك

في تعبك وفي جمالك

كنت حلوه

وأذكر إنك كنتي وحدك

يا ترى من | تحترين |

وأذكر إن الناس تمشي

وأنتي ليتك تنطقين

لين راح الناس عنك

وأنتي |إهنا | تجلسين



ياترى ...؟

من |تحترين|



لين ضوّ البيت نوّر

سبحان من سوى وصور



وأنتي أنتي

في يدينك تكتبين

قلت باداعب يدينك

لين أكشف راحتينك

وصرتي مابينك وبينك

تضحكين

واسمع الآهات منك

رغم سنك



وانكشف سر الطفوله

وظهرت بسمه خجوله

وركضت ركضة عجوله

واتركت

حبر وقلمها

ليت لي قلبٍ

يضمها

وليتني صافحت كفه

علني ، أقرا

حلمها


وأذكر إنك ..!

 

[أروى التميمي]

صرت ألبس


كل أبو همي وشاح


لجل لا هب الفرح


تبقى الجراح ..!!

 

[أروى التميمي]

فالسراب

وفالكتاب

وفالضباب

كلها تحكي حكايا

كلها
تسأل ورايا



ليه أنا إسمي سراب
؟؟!

ليه مو أسمي حقيقه

أو روق جدا
رقيقه



ليه كل الناس تندب

حظها ..!!

وتقول تكذب ..!!

أنت أحلام
السراب



ليه أنا الكذاب
دايم

وطول عمري ماكذبت

بس إسمي ..!!

هو سبب كل العذاب



/

والكتاب
قام يصرخ في عيوني

لين صحى كل جنوني

قول ياحظرة
كتاب..!!

ليه
حالك فـ: كتآب



هات علمني الحقيقه

قبل ما ياتي الضباب



قال والحبر
يتبخر

قال والأقلام تمطر



ليه سموني كتاب

ليه أجمع الصدور

ليه في وجهي قبور



ليه أنا بالحيل
ضايق ..!!

ماني ضايق

بس من حالي مـ/قهور


قلت هونك

قبل ما يجفاكلونك
ياعسى عمرك زهور
قال حتى الزهر يجرح

حتى بالطعنات يفرح

لاتقول

ياعسى عمرك زهور

قل يا عسى عمرك يبور

لين تاكله الطيور

ثم نوح
لين فالصفحات لوح
واختفى عني

وروح

ثم جاني الضباب

يختصم ويّا السحاب

ذاك يسأل ليه أنا

وذاك يتساقط هما

وأنا أنا

مابين آهي والعنا

كلنا نرقى هضاب

كلنا نمشي اليباب

كلنا نشكي العذاب

كنت أدور عن سرابٍ
مستريح

كنت أدور عن أحد غيري جريح

وكل من حولي يصيح
الساحابه

والضبابه

والكتابه

وريح حبري

مع سرابه ..!!

كلنا نشكي الكآبه

 

[أروى التميمي]

"


ايه جيتك يالمقابر


أسألك والقلب خابر


عن حبيب فيك ساكن


كيف حاله


وش من أعضاءه بقاله


وكيف صار


يوم روح من ديارٍ إل ديار


والله إن الفقد موجع


والله إن الدمع يحرق


حتى


حتى


حتى


هذا النبض يوجع


إيه جيتك يالمقابر


جيت ودي أسأله


ماكفاك الموت يمه


ليتني


لحدك ييمه


ليتني


أقدر أضمه


لين يحيى مابقالك


من عظام


والسبب دمعاتي يمه ..!!


كلما طالعت نفسي


فالمرايا


هذي أنتي


حتى عينيني ورمشي


و ويش ذنبي ..!!


ذنبي إني لك شبيهه


هذا ذنبي..!!






أو لأني فيك أفكر


دايمٍ أسألهم وأكرر






كم لها تحت الثرا


و كلما طيفك طرى






أركض أركض


أركض أركض


ودي إني


حييييل أضمه


ثم ينثرني


وألمه










ويسألوني كم سنه


تسعه وسنه


مو كثيره


مو على قلبي طويله


هييه يمه


قومي ضميني وموتي


شوفي بنتك كيف صارت


شوفي أحلامي الصغيره


كيف طارت






قومي ضميني وموتي


بس لامتي طلبتك


خلي قبري جنب قبرك


أو معك


لجل إني أسمعك


قومي ضميني يايمه










ايه جيتك يالمقابر


خوذي روحي


عالبعد


هذا قلبي


من فراقه


ماهو قادر


وماهو صابر










ايييييه


جيتك يالمقابر

 

[أروى التميمي]

"

لو بيدّي ..!!
أخنِق الوَقت ليْن انّه
يِمُـوووت ,,!!

 

[أروى التميمي]

صباح الخير ياجروحي
أنام ..!!
وفي يدي تغفى
بقايا مدمعي ونوحي
صباح الخير أتنفس
ألم ..!!
دمعي
ألم مهما ابي أزفر
يجي يرجع إلى جوفي
صباح الغير
صباح (ن) مايشبه
غير
شكل الفلس في يدّ البخيل
غير شكل البنت لا مشيت تميل ..!!
غير شكل الآه في وجهٍ جميل
صباح النور ..!!
صباح النور لا شعشع بوجهي كل نيرانه
صباح النور أتنفس حطب مع ريح دخانه
صباح الضيق ..!!
لا ضاقت مسافاته
مثل بنتن فيوم العيد
توفت فرحة اعياده
تصيح افوجه العالم
ومحد يمه
سوى كراستة وكمه
يناديها ظلام الليل
تعالي صبحي فيني
وناداها شعاع الشمس
تعالي إكتبي مني
مساء الخير
مساء الضيق
والتأخير
وهي مابين وبين الضعف
وهي مابين وبين الخوف
ويسمعها هذاك الطير
ومات امن الحزن لجله
وهي ..!!
تكتب صباح الخير ..!!