وجيه الدوات

[عبدالله فليج]

...


[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الضيقه اللي تجول وتنفجر في خفاي=بلقى لها مع هدو الليل منفى مبات
تهون ما دامها عند القصايد وجاي=القا لها بالسهر لو طال ليلي فضات
بين القلم والرسايل والقصيد وعناي=بين الورق والسهد والضيق والذكريات
أنا عرفت السهر من قبل اعرف اقرباي=وأنا خوي الحزن والليل والاغنيات
مدري القدر عذر والا وش يبرر خطاي=والا هو الحظ ياخذني لدرب الشتات
اذوق مر الخساره في شماتة عداي=واشوف لون الهزيمه في وجيه الدوات
كن انتهى حلمي اللي ما بلغ مبتداي=حتى الامل قبل يبلغ اول النور مات
عن كل قولٍ عظيم وما يناسب سواي=لقيت الابلغ من الكلمه حضور السكات
أنا زهدت الظهور ومات حلمي وراي=وأنا لقيت بغيابي عن حضوري حياة
والضيق لو طال لكن يا قصيدي عزاي=تلقى لها لو يطول الليل منفى سبات[/poem]

 

[رزان سالم]

هنا شعر
شكرا يامبدع
أختك رزان

 

[عبدالإله المالك]

يا عبدالله .. يا خــــوي الــحـــزن والـلــيــل والاغـنــيــات ..

شعر رائق سكبته هنا
فتقبل التحية والمنى

 

[محمد الناصر]

صح لسانك يا مبدع
قصيدة أعجبني قالبها وروحها وتماسكها
دمت مبدعا

 

[وداد الجابري]

عبدالله فليج


ابدعت بهذا النص


دمت بود

بأنتظار جديدك

اختك وداد

 

[إيمان محمد ديب طهماز]

قصيدة جميلة أخي عبد الله

سلمت الأنامل

 

[وليد الفالح]

عبدالله فليج
نص يستحق الإحتفاء
تقديري

 

[الرَّنْد]

عن كل قولٍ عظيم وما يناسب سواي=لقيت الابلغ من الكلمه حضور السكات
أنا زهدت الظهور ومات حلمي وراي=وأنا لقيت بغيابي عن حضوري حياة

الله على حضور الشِعر الغزير هُنا
سلمت وفائق التقدير