و.......... حبيبة❤

[ميسون الرملاوي]

سنة أولى فراق



في هذا اليوم تحديداً
وعلى أذان الفجر
استيقظتُ والدموع في عيني
فرأيتكِ أمامي
حقيقة لا خيال
و

نطق لساني هذه الكلمات



سنة مرت على فراقك
أشوفك في الحنايا جروح
يمر الحلم ولا ألقى
سوى طيف بليا روح
تبات الروح مهتمة
وأبكي دم يايمه
أبيك حيل بعد عمري
أضمك بس لو ضمة
أبي أحكيلك عن أوضاعي
وكيف إني بقايا إنسان
يدور بهالزمن وحده
حكاياته بلاعنوان
تعثرت الطريق يمه
وأحلامي تعب مشوار
تطيرني مثل ريشة
وترسى بي صحاري قفار
ظما حيلي من التنهيد
تعالي وارو أيامي
يكفيني دفا روحك
ولو ما أحقق أحلامي
أقولك صدق يايمه
أبيك بكلمتين صغار
أبي أهمسلك أنا أحبه
وأبي أحكيلك عن اللي صار
وكيف إنه بعد مثلي
وهم يغليني بزيادة
ولكن الزمن عيا
أعيش لويوم بسعادة
أخذ عهد على نفسه
يفرقني عن أحبابي
ولوأصرخ ولو أبكي
محد داري عن اللي بي
وحتى إنت يايمه
تركتيني لزمن قاسي
يحركني مثل مايريد
وأقوله دوم:على راسي
ومن زودالثقل يمه
يبس راسي ماعاد يلف
ولو أبغى عليه أبكي
أحاول وألقى دمعي جف
بس تدريني يا يمه
مايوقفني مد وجرر
تحديت الزمن مره
وماهمني أشيل الوزر
ويوم إني تحديته
وجيت أرمي ثقل الاحساس
لقيت شي غريب فوقي
لقيت جسم بليا راس