صوّر فطورك وعلمنا وش فطرت؟

[سكون الليل]

المشاركة الأصلية كتبت بواسطة حياه

..

صار محد يحط فطوره وولا حتى صرنا نشوف تمره

يالعزابيه عطيتووو القرمات عين ):

بنات لاتحدوني احط لكم تجاربي

ولا يهمك اليوم افطرت على حساب الحرم
وصورت فطوري وهو بالعربة لاني مقدر اجلس وقت الفطور بحكم العمل



تمرة وماء زمزم ووجبة خفيفة ما اخذت منها الا المعمووول بس

وعليها للساعة 12 رحت البيت وع المطبخ افتش عن باقي الفطور

 

[سكون الليل]

^
مشاركة وجدانية مع عزاااب ابعاد

 

[موزه عوض]

المشاركة الأصلية كتبت بواسطة سكون الليل

ولا يهمك اليوم افطرت على حساب الحرم
وصورت فطوري وهو بالعربة لاني مقدر اجلس وقت الفطور بحكم العمل



تمرة وماء زمزم ووجبة خفيفة ما اخذت منها الا المعمووول بس

وعليها للساعة 12 رحت البيت وع المطبخ افتش عن باقي الفطور

بالعافية عليج قلبي وصياما مقبولا وفطور هني يارب

 

[غاده]

ماعاد نشوف صور فطور اكيد مشغولات في التسوق للعيد

 

[موزه عوض]

صرنا كسولين ونقلل من الأكل والفطور

يالله اليوم قلت اصور اللى سويته
طبعا الأكله الرئيسية وهي الثريد باللحم والهريس معروفه وما صورتها

سويت طبقين معكرونه بالشاميل باللحم المفروم طبعا

وهذه صورته صورت لما قاعده اغرف في الصحون قبل الآذان طبعا




وهذه الأكله لقيتها بالنت كانت لذيذة بالطعم وهي التوست بالتونه صراحه عيالي قضوا عليها هههه
أول مرة اسويها بس رهيبة جربوها بنات



وهذه المقادير والطريقة

١٢ شرحة خبز توست
٢٠٠ غرام تونة في الزيت
١ بصلة, مفرومه
١ طماطم صغيرة, مقطعة مكعبات صغيرة
١ ملعقة كبيرة صلصة الطماطم
٢ ملعقة كبيرة زيتون, شرائح
٢ ملعقة كبيرة جبن الكريم (كريم شيز)
ملح وفلفل أسود
للتغطية:
١٧٠ غرام قشدة
١ ملعقة كبيرة مايونيز
١ بيضة
٢ ملعقة كبيرة جبنة شيدر, مبروش

طريقة التحضير

١. تزال حواف التوست،يرص 6 شرائح توست في صينية بجانب بعضها متلاصقة. ندهنها بالجبن السائل.

٢. نحمر البصلة، نضيف الطماطم والصلصة، نقلبهم ثم نضيف التونة بعد تصفيتها ونكسرها بالملعقة ثم نضيف الملح والفلفل حسب الرغبة.
٣. نضيف شرائح الزيتون للتونة بعد ان تبرد قليلاً، نوزع التونة على شرائح التوست، نضع عليها شرائح التوست المتبقية.
٤. نخلط مقادير التغطية جيداً، ثم نوزعها على التوست.
٥. ندخلها للفرن 7-10دقائق ثم نحمر الوجه وننتبه لأنها تتحمر سريعاً

تقدرون تستغنون عن الجبن المذكور انا حطيت حشوة التونه عادي والزيتون ولما رجعت احط التوست فوق الحشوة نثرت عليها جبن شدر كرافت القوطي صارت الذ
وكل بنت على راحتها بالتأكيد :

واللى يسويها يخبرني وانتوا يا عزابية والله سهلة جربوها بتكون سهلة عليكم بس لا تحرقون المطبخ ههه

وعملت كورات كاكاو بالبسكوت طلع طعمها لذيذ وحلو
هذا شكله طبعا بعضه مغلف بالمكسرات والنص جوز الهند وومبشور الكاكاو الجاهز

وسلام

 

[غاده]

ماشاء الله ياموزه اكلات لذيذه خصوصاً المعكرووووونه

من عشاقها وتسلم الايادي

 

[بندر الصقر]

المشاركة الأصلية كتبت بواسطة سكون الليل

^
مشاركة وجدانية مع عزاااب ابعاد

هههههههههههه ربونا يجبر بخاطرك يا سكون
عاد والله تنغبطين على شغلة الحرم ..

المشاركة الأصلية كتبت بواسطة غاده

ماعاد نشوف صور فطور اكيد مشغولات في التسوق للعيد

يعني استانستي انك استفزيتي موزة !!
بعدين انتي وين منحاشة عن المطبخ ... هه!! < تستخدم للتعصيب

 

[غاده]

انا المطبخ متبري مني كل ما ادخله يطلع الانتاج اكلات معاااااااقه

هههههههههههه

بعدين انت اليوم مرابط هنا شكلك تنقل من وصفات موزه ومجدولينا ههههه