حمـــــــــام الخليـــــل

[مشعل الذايدي]

[poem=font="anaween,6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مروا البارحه حلمٍ ذبحه الصباح=سامروني وناموا في رجا المستحيل!
كم هيجن بصدري مستهام وصاح؟!=سال دمعه وغنى له حمام الخليل
غورق الدمع بعيون السحابه وطاح=يوم مرت منازلهم بوقت المقيل!
ايه ياللي تسامرني وليلي مباح=كم جرحٍ سمر بك وانت مثلي عليل؟!
وايه ياللي جروحي في يدك تستباح=حال حولي وانا وياك ننفض شليل!!
للسما هي سماي ولا بقا لي مراح=مختنق كني الدرهم بيدين البخيل
كم صاحب يقول الليل صبحه رباح=وكم صاحب نساني في صباحي قتيل!
كن قلبي بعد ما ودعوه الملاح=بيت نملٍ نخره الوجد واضحى هزيل
كل مابان نجمٍ في سماهم ولاح=يقدح الشوق بعيوني واصير الفتيل
كل غالي خذاه البعد مني وراح=لا طريته جرحني مثل جرح الصقيل
غاليين وغلاهم بالضلوع استراح=مثل تمرٍ تعلق في عذوق النخيل
وانت ياللي بحرمانك تغز الرماح=لا انت معتق عبيد ولا انت شافي غليل
شفني اضحيت ريشه في مهب الرياح=لاوطن يحتضني ولا بسمايه دليل
[/poem]

 

[فهد الغبين]

الله عليك

يا مشعل : فقد أتحفت الشعر بك ف لله درك ..وكفى


دمت بود

 

[مشعل الذايدي]

فهد الغبين حياك الله يالغالي
ردك على العين والراس والله
بس شسالفه المنتدى كسلان مره !!

 

[ميسون الرملاوي]

وكم من هديل كالغدير
تنساب ألحانه بعفوية الصادق
دون مشاعر زائفة

وهكذا كان نبضك

الألق // مشعل
لك قبس جميل وإن أرهقته الجهات
لقلبك

 

[خلف المهيلان]

مشل مشعل ٍتوهج الشعر ك شعال عباريد ضحى عيد طغة عليه الاصاله وعبق الشعر الاصيل
كل عام وانت بخير صورشعريه مدهشه
مودتي تواضع مروري ايه الزميل العزيز

 

[مشعل الذايدي]

ميسون الزملاوي
نوّر المكان بوجود حرفك

 

[ماجد العيد]

نحن أحقّ و أحوج لقراءة مثل هذا الشعر ..
مثل هذا الدليل ..
أشكرك يا مشعل على هبة القراءة هذه ..
سلمت ..

 

[وديع الأحمدي]

مشعل الذايدي ,

الذائقة تحتفي بمثل هذه النصوص يا مشعل ,
ألق وأكثر ,
دمت بـ ود


تحاياي