سيمفونِيّة مَطَرْ

[سعيد الموسى]

.
.
لاتتعبين الكحل
غمضـه !
هالرمش ... مُترف !
ومتحنّي !
أيدينك الما ... وعصفوره !
تنطر حكايا الحبق
والسيــل !
شيطان خدّك .... وبه فتنه !
موال صوفي !
ومتوهّب !
يرقص ولو رقصته بدعه !
بس فتنة الشئ
في ردعـــه !
ودّي بك ... الورد والسّاعي !
والورد ... يلوي لي ذراعي !
يازفرة الليل ... يا أنـّه !
تستدرك الناي !
والراعي !
خفّي على الناس .... في رقصك !
حتى خُطَاك إسمها [ عزفه ] !
هالأرض تخجل من اقدامك !
تفرش لك الريح !
بالراحه !