غبتي وخنتك معـا حزنـي وضمّيتـه
خنتك ومعذور لا صار الشتـا هجـرك
واخترت حزني لأني صـدق حسّيتـه
يشبهك حضنه كثييير وكنّـي بصـدرك
يضم راسي علـى صـدره وشمّيتـه
واستنشقك وسط صدره وازفر بعطرك
حبيبتـي لا متـى والحـزن تسكيتـه
اموت به حـي واحيـا ميّـت بذكـرك
وانـا حنينـي شحبنـي يـوم غنّيتـه
والوصل تبكي عيونه تنتظـر عـذرك
والبرد يحطب ضلوعي ليييـن دفّيتـه
والشوق ياما يقلّبنـي علـى جمـرك
والليل يا كثر مـا ابكانـي وأشجيتـه
عليك والشمس ما جابت لنـا فجـرك
والصبـر كـل مـا تلحّفتـه ولمّيتـه
اشوف نور القمر وابكي علـى ثغـرك
واسهر مع الهم اسولف بـك وحكّيتـه
عن طيشي اللي ابتدى في مقتبل عمرك
واعـوّد ابكـي علـى كتفـه وبكّيتـه
ويطبطب يقول أرجع والتحف صبـرك
حبيبتي كـم سهـرت الليـل وافنيتـه
وآنا أضمّ الحـزن وأتخيّلـه صـدرك
تعبت اكتب على شط الامل بالرمـل احلامـي
وانا اشوفه يزيل اللي كتبتـه فيـه بامواجـه
رجعت اجمع من الآصداف ياسي واجمع آلامي
كذا اتسلّى وانا أجمع ولو مالـي بهـا حاجـه
سليت بجمعها واثري نثرت آمـال أوهامـي
نظرت .. إلا يقيني منصدم ويعـود لادراجـه
رجع مذعور يبكي وارتمى في حضن اقلامـي
بعدما شاف قرش اليآس لـه نيبـان وهّاجـه
كذا يا وقت ..! يعني ما تشوفه منظر ٍ دامـي
عجبك اللي فعلته باليقين وقمـت بازعاجـه ؟
عبث أتعب أدوّر لك لجل أنســــاك ..!
..... وانا من قبل اعرْفك كنت ( مجنونك )
كثر ما غبت قبلك عُمر لجل ألـقـاك
....... أحب الـتـيــه لا سافـرت بعيونك !
أنا منفـاك لا صار الحكي ( من فــَـاك )
....... طفـل بوح .. وهرب من موطن سكونك
وانا من كثر ما خنتك ( معك ) أهــواك
........ يغافلني ( جمالك ) لـيـــن ماصونــك
وقبل أن أخرج وبما أني لا استطيع المكوث أكثر سأقول بأن صاحب الشيفرة هو نايف العمر
وأتمنى أن لا أصاب باحباط
تصبحون على وطن
آخر المشاركات
02-20-2010, 10:23 PM
العرض الشجري