مدري وش اكتب ..؟

[محمد عوده البلوي]

.


.



اسعد الله اوقاتكم أيها الاحبه


.


.

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مدري وش اكتب ..؟ وأنتي بقلبي أدرى=وأكيد ما يخفي مساء صمتي .. الشوق
شوفة عيونك ابلغ وخبرك أثرى=من مجمل أخباري لو الصدر موثوق
والشعر عن هزله : عرا الواقع أذرى=لا صار مع قصره ( عريّه ) ومشقوق
على غلاك احذر من النقص وأدرى=مشاعرك .. ورضاك له دايم أتوق
دايم وانا اكتب عنك .. أحس إني أقرى=واقلّب الخفاق معلوق معلوق
وش لون اعبّر لك وتعبيري أزرى=المعذره يا شيخة القدر والذوق
والله لو حرفي من إحساسي أجرا=لا قول بالثنتين ما ني بملحوق
قصيدي إن صارت لياليك غدرا=نوره على سود الليالي تقل طوق
الحب نبضه يجري بكل مجرى=والنور له فيني شرايين وعروق
وأنا اعتذر عن عجز الأبيات وابرأ=من كل باب بمنطق الشعر مطروق
حبك دروب طوال والفكر مسرى=يغريني وكل اتجاهاته بروق
ويدّيني الثنتين يمنا ويسرا=يسوقها يم الورق هاجسي سوق
ومن بين ومضة فكره ولمحة أخرى=أغيب عن حراس الإدراك وأفوق
وما بين تشبيه اقرب وكلمه أحرى=يبدي صباحي والغلا يرتفع فوق
والفكره اللي توصف الحب .. عذرا=للحين ما مرت على بال مخلوق[/poem]

.


.

تحياتي