[ رَصدٌ لِبَرنَامج شَاعِر المَليوْن ]

[شوق علي]

يطول الحديث وكل كلمة لها هراج ..
.. .. .. .. .. .. فناجيل جرح الوقت ياوقت مشروبه ..
تدف الهبايب ضيقة الصدر للمخراج ..
.. .. .. .. .. .. لو ان الحزن مغرق ثرى القلب منسوبه ..
ما عمر الليال قدرة ضيقة المحتاج ..
.. .. .. .. .. .. يعيش الفقير وراس ماله معه ثوبه ..

ياليتْ [ حمد البريدي ] اكمل الابيات بـِ احساس وقوة المقدمه هذه ...

بغداد ياحسرة قلوب السلاطين ..
.. .. .. ما شابهك بالكون يا كود بغداد ..

خالد منذر الشمر استطاع ان يحتوي كل المشاعر بهذا ( المطلع) ...

-

نص سعيد القحطاني وريمية اعتقد ان القاء والحضور والفكره هي من انصفت نصوصهم
وانا اول من صفق لهم ولكنني فوّر قراءتي لابياتهم ( علمت ان الشعر كان قليلاً ) ولا أكثر ..

-

نص فهد السعدي مازلت اقول انه السماء والنجوم والقمر ...

-

مسعود الوايلي ...
تكرار للمفردات - وتكرار للفكره .. فـ الفكره التي كانت بـِ البدايه انتهت ثم
عادت بالوسط ثم انتهت ثم عادت بـِ الختام ...
بعيداً عن حالة التهريج التي يصنعها ...
النص هذا اكثر من عادي ولا يستحق بطاقة التأهل ....

-

 

[شوق علي]

محمد الغشام ...
حضورك مطر ...


نايف السميري ...
والتوهج قرين بـِ حروفك

 

[بندر الصقر]

السعدي السعدي السعدي .. ظلم والله من اللجنة .. ربما لم يُقرا النص من قبلهم كما هو ..
والى الان استغرب قراءتهم له بهذه السطحية ..
السعدي سيبقى في الذاكرة كما بقي صالح السكيبي ..

ريمية كانت قصيدتها جميلة بشكل عام واستحقت التأهل .. مقارنةً بالنصوص الأخرى ..
ذكاء في اختيار الفكرة , وحضور جميل .. اعجبني كثير من المفردات التي استخدمتها .. (:

الوايلي لم اكمل قصيدته اساسا .. وحتى عند سماعها لم اسمع ما يعجبني ..
وان كان مبرر اللجنة في تأهيله هو حضوره المسرحي ..
فأنا ارى ان حضوره كان محرجا اكثر من كونه جميلا على الاقل بالنسبةلي انا ..

البريدي اتفق معك يا شوق في انه بدا قويا .. ولكنه خفت فيما تلى تلك الابيات ..

زادت المتعة بشاعر المليون هذه السنة .. بسببك ياشوق .. فـ شكرا لكِ

 

[شوق علي]

هنا يا شاطيء الراحة بدا بك شاعرٍ مغمور ..
.. .. .. .. .. .. يتوه ولا لقى دربٍ يقدي سعي رجلينه ..
مشى واتعب قدم رجله وذاق من العنا والجور ..
.. .. .. .. .. ..ولا منه بدع له قاف شاب القاف في حينه ..
مشى درب الظلام وشاف قدمه للمعالي نور ..
.. .. .. .. .. .. وحث الرجل يبقى اللي نواه وشافته عينه ..
وفجأة ما لقى نفسه سوى قدام ذا الجمهور ..
.. .. .. .. .. ..يغرد بالقصيدة والمصفق تعبت ايدينه ..
على الله وإتكل بالله لو غيض الصدور يفور ..
.. .. .. .. .. .. ونيشن ما يبى إلا اللي نواه وتم تعيينه ..
معه بندق تصيب الرمي ما ركب لها ناظور ..
.. .. .. .. .. ..لو أنه للرمي رجالهم واجد نياشينه ..
يبى اللي من سنينٍ فايتات يخيلها مقهور ..
.. .. .. .. .. .. وعذر الشاعر المقهور توه بأول سنينه ..
وبإذن الله مدام إنه هنا لا ماهوب معذور ..
.. .. .. .. .. .. لـ يتركها تنام بظل ابن مشيب وفي يمينه ..
لو إن من دونها خمسين رجالٍ يمد الشور ..
.. .. .. .. .. ..عليا كل واحد سل مسنونه وسكينه ..
وهي بنت الشيوخ اللي نباها يشفي المعثور ..
.. .. .. .. .. ..عريبة ساس ما كلٍ يراضيها بتدوينه ..
وأنا اللي لا حضرت اسمع وأنا ماني قصير شبور ..
.. .. .. .. .. .. إليا جيت آرد العد القراح ولأرتوي طينه ..
يجي شعري بعض الاحيان بستانٍ يفوح زهور ..
.. .. .. .. .. ..يتوه المستمع فـ أحلى شذاه وفي رياحينه ..
عليك الله وأكبر ياقصيدي والزمان يدور ..
.. .. .. .. .. .. لا تبحث في خفى شاعرك وتضيع مضامينه ..
وانا اللي كل ما جاتك مصيبة قلتلك ماجور ..
.. .. .. .. .. ..عسى ربي يعينك ياشعر والتايه يعينه ..
ابي منك المدد ياشعر بعد اللي عطاه الحور ..
.. .. .. .. .. .. إلهي خالقي سبحان تصويره وتكوينه ..
ابي تملي خفوقي ياقصيدي بالشعور شعور ..
.. .. .. .. .. ..مثل مسجد رسول الله لأكتظوا مصلينه ..
حجيجٍ من حرم مكة تداعو للرسول اتزور ..
.. .. .. .. .. .. تسلم يا رسول الله عليك أرواح مسكينه ..
ذبحها فـ الزمن فكر التطرف والعمي والعور ..
.. .. .. .. .. ..أمورٍ خارجه عن منطلق عقلي وعن دينه ..
لكن قبل اختمك ياشعر ودي والرجال حضور ..
.. .. .. .. .. ..أعلم كل رجالٍ حضر ما بيني وبينه ..
ورثت أرض الشعر جدباء يا ابن زايد وقفرٍ بور ..
.. .. .. .. .. .. وبالهمه جعلت الشعر مخضره بساتينه ..



رائد الشيباني

 

[شوق علي]

الصمت مرفوض في حضرة جناب الكلام ..
.. .. .. .. .. .. .. .. يا شعر حلق تراك اليوم منت معذور ..
حضرت والشعر يكبر والاماني عظام ..
.. .. .. .. .. .. .. ..حضرت وأدري حضوري غير كل الحضور ..
جيت أكتب الكل بلسان المشاعر مدام ..
.. .. .. .. .. .. .. ..ما جيت عادي ولا مريت أية مرور ..
أبهدي الشعر والتقدير والأحترام ..
.. .. .. .. .. .. .. ..للذات .. للناس .. للجنة نزفت الشعور ..
حطيت رجلي على دربٍ ملاني هيام ..
.. .. .. .. .. .. .. ..خطوة بـ خطوة بديت ارقى وقلبي جسور ..
لما بلغت المرام وصرت فوق الغمام ..
.. .. .. .. .. .. .. ..قلبي يدور على حلم بـ سمايه يدور ..
لو أمكن الحلم كان أقول برد وسلام ..
.. .. .. .. .. .. .. .. ما شيل هم الليالي أو عناء الصدور ..
استجدي الشوق ينبت في ضلوعي ملام ..
.. .. .. .. .. .. .. ..و أقول كلمه بـ صدري من زمانٍ تفور ..
يا سيدي والمشاعر في غيابك صيام ..
.. .. .. .. .. .. .. .. انا تعبت ارسم الأحلام بين السطور ..
استجمعك وأنثر أحلامي وقلبي حطام ..
.. .. .. .. .. .. .. ..وأقول عمر الجفا ما فاد قلبٍ غيور ..
امطر بوصلٍ يبل القلب بعد الحيام ..
.. .. .. .. .. .. .. ..جفت عروق الغلا يا سيدي من شهور ..
شفني بعد غيبتك ماني على ما يرام ..
.. .. .. .. .. .. .. ..حتى اكتسا وجهي الذبلان صمت القبور ..
نزف الأحاسيس خلاني عديم اهتمام ..
.. .. .. .. .. .. .. .. وإلا المشاعر على طيفك تحن وتثور ..
قم غن لي بالوصل من بعد طول الخصام ..
.. .. .. .. .. .. .. .. خل بتغاريد صوتك يزعلن الطيور ..
الصمت مرفوض في حضرة جناب الكلام ..
.. .. .. .. .. .. .. .. مدام شوفي زما يالشعر منت معذور ..


مشاري الشليمي

 

[شوق علي]

- من تتمنى ان يتأهل ؟
- من تتوقع ان يتأهل ؟




بـِ / إنتظاركُم !؟

 

[عبدالله العويمر]

المشاركة الأصلية كتبت بواسطة شوق علي

غروب الشمس في مشرق معالم رحلة الغيّاب ..
.. .. .. .. .. .. .. .. نذير الشوم في ليلٍ بهيمٍ غابت نجومه ..
تمادى في دهاليز الضياع وسكة الاصحاب ..
.. .. .. .. .. .. .. ..تقول ان الاماني من صدوف الوقت مهدومه ..
يراودها على حلمٍ تعلق في جناح غراب ..
.. .. .. .. .. .. .. ..متى ما مال بجناحه يطيح ولا بها قومه ..
مواويل الحنين اللي شكت من دورة الاحقاب ..
.. .. .. .. .. .. .. ..تشيل الضيق من جور المكان الشين وهمومه ..
عوى ذيب الضلوع وجاوبنه فـ الضلوع ذياب ..
.. .. .. .. .. .. .. ..عزاها لحية وجيه الردى ماهيب محشومه ..
تغيب رجال لكن يحفظ امجاد الرجال كتاب ..
.. .. .. .. .. .. .. ..على غر الورق ديباجة الامجاد معزومه ..
بعد كنا شريعة حق واصبحنا شريعة غاب ..
.. .. .. .. .. .. .. ..غدينا بين سندان الرقيب ومطرقة لومه ..
تعبنا نمتطي صهوة هوانا والنوايا ركاب ..
.. .. .. .. .. .. .. ..على جرة زرافيل المحال وشامخ رجومه ..
تعبنا نلجم الصادق تعبنا نسمع الكذاب ..
.. .. .. .. .. .. .. ..تعبنا نستر احوال الضمير ابالي هدومه ..
مدام البيت ماله باب وش نبغى بقفل الباب ؟ ..
.. .. .. .. .. .. .. ..حرام نقول في حق الثقة ماهي بمعدومه ..
يدين الشك خاطت من هواجيس المريب ثياب ..
.. .. .. .. .. .. .. ..عليها شرهة العقال تفضح خافي علومه ..
لو ان اكبر طموحاته على ما قال شلفا ذياب ..
.. .. .. .. .. .. .. ..ما شفته يندب الحظ التعيس وسطوة خصومه ..
ربيع الياس يقتل ما بقى من خضرة العناب ..
.. .. .. .. .. .. .. .. إليا هلت هماليل الشقا من كف ديمومه ..
على خد الزمان اللي كسر شوكة كليح الناب ..
.. .. .. .. .. .. .. ..نزع ثوب الظلام ولا لقى تفسير لحلومه ..
يعيش الثار ويدين القضا في المرجفين حراب ..
.. .. .. .. .. .. .. ..ولا ياخذ صليب الراس حقه غير بعزومه ..

جزاء البقمي

غروب الشمس في مشرق معالم رحلة الغيّاب ..

غروب وغيّاب
باعتقادي أن مادام الغياب قد حصل فلاداعي للغروب وذكره!

عوى ذيب الضلوع وجاوبنه فـ الضلوع ذياب ..

كم قلبا ً للرجل؟!



على[ غر ]الورق ديباجة الامجاد معزومه
أيْن مَوقع الغُره؟وهل إطلاق لَفْظ "معزومَة "على مكَان كالغر مُسْتَسَاغ؟أقصد الصوره



النص بشكل عام جميل جدا ً ، وإن كانَت تقليدية الصور مسيطرَة عليه ، وأيْضَا ً الانتقَال فِي بعض الأبْيَات أجده غير مُحكم أيْضَا ً

الشاعر جزاء البقمي شاعر جميل ، وإلقاءه كان جيدا ً إلى حد ٍ مُقْنِع

 

[عبدالله العويمر]

المشاركة الأصلية كتبت بواسطة شوق علي

يطول الحديث وكل كلمة لها هراج ..
.. .. .. .. .. .. فناجيل جرح الوقت ياوقت مشروبه ..
تدف الهبايب ضيقة الصدر للمخراج ..
.. .. .. .. .. .. لو ان الحزن مغرق ثرى القلب منسوبه ..
ما عمر الليال قدرة ضيقة المحتاج ..
.. .. .. .. .. .. يعيش الفقير وراس ماله معه ثوبه ..
ولو ان الزمان الشين بيرٍ مثل هداج ..
.. .. .. .. .. .. لقيته هماجٍ يوجع الكبد مشروبه ..
غدينا هل الكوفة ووقت الردى الحجاج ..
.. .. .. .. .. .. يموت الوفا وحقوق الأجواد مسلوبه ..
زمنا على طمس الحقيقة فقيد علاج ..
.. .. .. .. .. .. يخلي الشقي يمشي على راس عرقوبه ..
صحاري السنين اتدحرج آمالنا دحراج ..
.. .. .. .. .. .. يا عزي لقلبي من زمانه ولاهوبه ..
اعن الركايب واقطع الليل دون سراج ..
.. .. .. .. .. .. غريمن يحب الموت لعيون رعبوبه ..
ياكبدي من الدنيا وموجن عليها هاج ..
.. .. .. .. .. .. علي الحرام ان فلا ادري شـ انا صوبه ..
لعب بي رغاب الوقت واصبر على المطناج ..
.. .. .. .. .. .. عساي اتقرب من طموحي وماجوبه ..
ترى ما عرف قدر المهادي سوى فراج ..
.. .. .. .. .. .. لكن فالزمن ذا كلمة الحق معيوبه ..
يا وقت السموحة منك واسف على الازعاج ..
.. .. .. .. .. .. لكني طلبتك تسمع القول لو نوبه ..
سيوف الصراحه سجنها ما عليه افراج ..
.. .. .. .. .. .. لأن الصراحه يازمن غير مرغوبه ..
انمثل بطولة فيلم لكن بدون اخراج ..
.. .. .. .. .. .. وقصة سيناريو الفيلم ماهيب مكتوبه ..
تضيع الحقايق بين فكرة وبين انتاج ..
.. .. .. .. .. .. ورؤية جروح الوقت في وسط غيبوبه ..
خطا المرء وارد والخطا ما عليه احراج ..
.. .. .. .. .. .. لكن غلطة الشاطر اليا جات محسوبه ..
يا قلبي اعزك وارفعك والحشيمة تاج ..
.. .. .. .. .. .. مدام ان فناجيل المخاسير مشروبه ..
طموح الأمل نظرة وجفن الحياة سياج ..
.. .. .. .. .. .. واذا جيت ارقع هفوة الوقت وش هوبه ..
انا كيف اضيق من الزمن وإلا ليه احتاج ..
.. .. .. .. .. .. وانا مري وربعي هل العز ودروبه ..
اليا قالوا اني من قطر ضيقتي تنباج ..
.. .. .. .. .. .. بلاد التميمي والمواقيف تسمو به ..
انا البحر والريح الشقا والهموم امواج ..
.. .. .. .. .. .. تعصف الرياح وطبعه اياه واسلوبه ..
يا عزمي عليك الله سر للظلام سراج ..
.. .. .. .. .. .. وش الراس ما غدا المجد مطلوبه ..


حمد المري

يطول الحديث وكل كلمة لها هراج ..
.. .. .. .. .. .. فناجيل جرح الوقت ياوقت مشروبه ..
تدف الهبايب ضيقة الصدر للمخراج ..
.. .. .. .. .. .. لو ان الحزن مغرق ثرى القلب منسوبه ..
ما عمر الليال قدرة ضيقة المحتاج ..
.. .. .. .. .. .. يعيش الفقير وراس ماله معه ثوبه ..


باعتقادي أن هذه الابيات هي حسنة القصيدة التي كتبها الشاعر وماعداها لايستحق ، وخاصة ً أنّه أضاع مابدأه حينما حَاول في قناعته-هذا مااعتقده- أن يصل في القصيدة لطلب النجدة من قطر وآل مره!