فرحةٍ عيّت تحل

[ماجد الذويبي]

المشاركة الأصلية كتبت بواسطة عبدالعزيز رشيد

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مبطي عن الخرج وايّام الأهل=والعمر ياخذ من ايامي ويسير
لين المرح من سما قلبي أفل=وخاطري ف شوفته أعمى وضرير
يقطعك يافرحةٍ عيّت تحل=من بابها ماصدرت حتّى الصرير
همّي غدى ف لحظتي راعي محل=ماحلّ فيها سوى ضحكٍ يسير
عرفت للضحك أيام وأجل=والحزن من ساعته مثل المصير
مانساك لو يوم بلّلني الهطل=أرجي الهطل فيك باليوم المطير
قلبي كتوم وعلى بابه قفل=مايفتحه كود مفتاح الضمير
اخطيت في حقّي وحقّك جهل=وابسط حقوقك لوانّي مستخير
مليان رغبة ومكتوف الأمل=أحيان حال الغني مثل الفقير
جيت "الوسيع" الوسيعه واكتمل=دربي وبدت "هيت" بيديها تشير
قبّلت من قبلها رياض الوصل=وْمن مخرج الخرج كمّلت المسير
بانت ولان الفواد وقال:"هل"؟=كانت غصيبة نفارقها ونحير؟؟
من يدري انه على راسي جبل؟=لوقلت أنا طيّب ودايم بخير
لاتقول مابان بـ عيونك كلل=هذي عيوني وهي للدمع بير؟
يابوعرب:اعرب حظوظي وقل=ماشفت حلٍّ ولو حاله كسير؟
أشوف حلٍّ وقدّامي سهل=مكتوف والشوف لعيوني سفير
الله ياوقت خلاني أضل=والحين حدّي أجي ف وقتٍ يسير
.[/poem]

تكتب الشعر كمن يجود بماله ليحقق للاخرين باب نجاة
من الإختناق

ودي