صبحية البرد

[محمد علي العمري]

السلام عليكم ..

لأبعاد أدبية ولأعضاء أبعاد أدبية كل الحب ..

صبحية البرد شينة وأنت بلحالك
............................. كنّك على كثر ناسك عايش بمنفى


بالذات ... لا جف دمع .. وسال في بالك
.................................. والله لـ تبطي تبي تدفا ولا تدفا


تفرك يدينك قلق ويزيد غربالك
............................ لا شفت حلمك يشب ويكبر ويطفى !!


رغباتك اكبر من أشعارك وجوالك
................................... والبرد بحرٍ بلا ساحل ولا مرفا


ويحدّك انه على مالك وموالك
........................... ضمير مخلوق من نطفة ندى وأصفى !


يابنت لا جاه أبوك ولا ترف خالك
..................................... هي أمنية والأماني مالها تكفى


تصير أصابع يديني قفل سلسالك
......................................... وتعليقته ناحلٍ مبطي يبي يغفى


وهناك ما ادفاك ياخلي هنيّالك
................................... لو هو عليّه سكنته موطن ومنفى !!