السلام عليكم ورحمة الله وبركاته
عُذرآ لهذا الغياب اللغير مقصود
متواضعه علّها ترتقي لـ الذائقه
\
\
للحزن في صدري صروح ومقامات
.. .. .. .. وللضيق ياضيق المسافات فيني ..!!
من موقد اشواقي اشب العبارات
.. .. .. ..وأحرق بها شوق السهر وسط عيني !!
من علم الفرحه تسافر مسافات ؟
.. .. .. .. وتترك لي الاشواق تكتب حنيني ..!!
الليل ماهو غير فوضى متاهات
.. .. .. .. يكتب على وجه الليالي آنيني ..!!
فيني معاني شعرها مابعد مات
.. .. .. .. فيني شعور إنسان يصدح يبيني ..!!
فيني وفيني بالوصف آه وآهات
.. .. .. .. و فيني بعد لـ الآه ماتشتهيني ..!!
ياما كتبت ابيات وابيات وابيات
.. .. .. .. من حزني الي ساكنٍ في وتيني ..!!
اخطها وارسم عليها علامات ..؟
.. .. .. .. من نزف فقدي لا ندهته يجيني ..!!
ماهو كلامٍ ينكتب فـ الغيابات
.. .. .. .. ولا هو بعد شوقٍ على غايبيني ..!!
غربة حزن من ضيقها دآيم اقتات
.. .. .. .. الجوع شوقي والعطش ضحكتيني !!
بلآش آفضفض حالتي بـ العبارات !
.. .. .. .. وانا عباراتي .. حزن محتويني ..!!
إحترامي
آخر المشاركات
12-15-2016, 05:11 PM
غربة حزن !!
العرض الشجري