الأخــيــــــــره

[علي القرني]

الأخــيــــــــره

وحــشـة وضــجـة مـشـاعـر مـالـهـا شـفـه
فــي لـيـلةٍ بـردهـا والـصـمت شـيـخٍ جـليل

مــات الـحـكي واسـتـحال الـدمع فـي عـفه
واودع بــصـدر الـدفـاتـر كـــل جــرحٍ يـسـيل

بــردي لـحـافي وحـضـن الـفـقد لــه رجـفـه
يـنـكرني الـطلح مـن حـولي وضـلعي فـتيل

يــادافــي الــضـي لـضـلـوع الـشـتـا لـهـفـه
يـامـاخذ الـكـل عـطـني مــن كـثـيرك قـليل

مـادامـت الـخـلق فــي كـفه .... وانـا بـكفه
وشـلـك بــدار الـنـوى والـعوج عـش وهـديل

يـامـهاجره لــك جـيـوش الـشـوق مـصـطفه
نـبـض الـجـوى لــه عـزاوي ولـخيوله صـهيل

والِّــي امـتـلابك مــن الـضـفه الــى الـضـفه
به حيل همتي من الممكن الى المستحيل

مــانـي بـصـدفـه جـمـيـلة وانـتـهت صـدفـه
آنــا اول الـسطر وآخـر سـطر وأوفـى خـليل

مــانـي تـفـاصـيل وجــهٍ صــرت مــا تـعـرفه
او عـشـقك الـحـجه الــي مــا عـليها دلـيل

لـــي كـــل طــيـفٍ تـسَـهَّد جـفـنك وظـفَّـه
لــي مـنـزلٍ بـيـن نــون وبـيـن رمـشٍ ظـليل

مــانــي بـنـبـته عــلـى الاشــجـار مـلـتـفه
لــي فـي خـفوقك جـذوروشامخات الـنخيل

الــحـال بــاقـي عــلـى حـطَّـتك فــي رفــه
مـــا زاد غــيـر الـمـواجـع بـالـخفوق الـنـبيل

مـــازال شـارعـك نـبـضي مـاخـتلف وصـفـه
مُـنـهـك كــثـر مـــا تـمـريـنه ولا فـيـه حـيـل

ســـور الـحـنـايا حـنـيـن وعـيـنـي الـشـرفه
ازرع بـــدرب انـتـظـارك كـــل صــبـرٍ جـمـيل

خــلــك تــجـذر يـبـاسـه و الـعـطـش نــزفـه
لـلـجـدب .. مـاعـلـه الـمـاطر وحـالـه عـلـيل

يـصـعب عـلـى الـحـزن ويْـرَبِّـت عـلى كـتفه
يـتـرنـح بـثـقـل هــمـه كـــل غــصـنٍ يـمـيل

بـسـكات هـيـجن حـنـينٍ مـدمـيـ/ن عـزفـه
مـتـأبـط الـجـرح فــي حــل ومـبـات ورحـيـل

مـاحدن درى بـه سـوى الـي نـرتجى لطفه
لــو مــاج فــيْ كـلْ بـحرٍ مـن بـحور الـخليل

بقلم : علي القرني