البعض

[علي ابن نهايه]

ان كان بعض الناس ما يفهم البعض = ما ميزوا وش بعضهم من بعضنا

ماني مشتغل عليهم ناصح وعض = الا ليامن بان فيهم وعضنا

انا اشهد اني نافض غبارهم نفض = ما دام زلزال المشاعر نفضــنا

اشطب عليهم بالاحاسيس والنبض = واخذ من اقدار الليالي عوضنا

نخطط الخطاط بالطول والعرض = خص ليامن جاتنا تعترضنا

الفكره اللي تشفي القاف لا مرض = انا اشهد انها ماتطول مرضنا

افات تبطش بطش بطاشة العرض = نقول ونردد على الله عوضنا

دام القمر ساطع ع كوكب الارض = ماهمنا وقت الظلام انتهضنا

ولا صار خفاقك رفض خافقي رفض = ماحد بلايمنا الامن رفضنا