محبتك مثل المطر يـ اللي تحريتك سحاب
ومن شانك وجيه العرب لامن حضرت الغيتها !
ما غبت عن وجهك جفا ولا مشاريه وعتاب
جيتك وقبلك عالمن لو تبتسم ما جيتها !
ياروح روحي وش جرالك ليه طولت الغياب
ارحم دموعن كل ليله من غلا هليتها
انا تراني مغرمه والقلب لامن هام ذاب
هذا شعوري يوم جيت اعلنتها وابديتها
ما تدري ان البعد ظلم وقلة الحيله عذاب
والروح ماتت من زمن كانك رجعت / احييتها
وضاقت علي فجوجها والقلب من رجواك تاب
واليوم نفسي في بعاد الامنيه ضريتها
تبيني أنسى صورتك وأتعب ورى طرد السراب
وشلون ابى أنسى ضحكتن وسط العيون اخفيتها
يعني كذا والا كذا لا تتهمني بالغياب
انا اغيب وصورتك لاشتقت لك مريتها
نوح الحمام ..