ســــــــر يـــــاقـــــــلــم

[عادل الدوسري]

مدخل: في قوامها هي هيفاء!!!!!!!!!

بسم الله أبدأ
……….

سـِـر يا قلم والحبر وسط المحـبره
والشعـر فكره من معاناة الضمير

يجبر عــزا الولهان والله يجــبره
ويضمّد الجرح الندي لو هو غـزير

لو هو ورى شط الفرات أبعــبره
وأقــاوم الامواج بالساق الكســير

ولو هي تطول خطاه غصب ٍ نقصره
أما تـخــور قـــواه وإلا يســتخـــير

بآخذ معه مسك القصيد و عـنبره
في غمرة الاشواق والسلك الحرير

شعر ٍ بلا " هيفا" فلا فيه ثمره
مثل الزهور اليانعات بلا عبير

سلامتك خير ٍ علينا و خـيـَرَه
وانا احمد الله يوم تممها بخير

أنتِ عمار القلب والله يعمره
وأنتِ غناة الروح يالحب الكبير

وأنتِ تراك الميمنه والميسره
وأنتِ ثمار دعاي في الثلث الأخير

أنتِ مع الخـفــرات عـمله نادره
نور ٍ ضياه يقـدّي الشوف الضرير

زرعت لك بأقصى معاليقي شجره
و عروقها عاشت على الضلع القصير

" هيفا"...ترى ما كل حب ٍ نقـدره
وأنتِ غلاك يعادل الكون المنير

وإلا المشاعر ما عكسها منـظره
تصعب تراجمها على القلب الغرير

يا بــنت حـنا في زمان المقـدره
و كل ٍ يدور به الزمان المستـدير

متحـمّـل ٍ سيف الزمان و خـنجره
واصارع الاخطار في الوقت الخطير

في شفــّـكم أمست عـيوني ساهره
كـنــّي على ضـوّ القـمر جندي خـفير

و إن كان به تقصير فأرجو المعذره
دام المحـبـه غـير وانـتِ حب غــير

قلم عادل الدوسري