تصّبر واكتم الانفاس ي الخاطر عساه ٰطهور
عسى ماصار بـ ايامك وصادف .. غير تكفيره
أجامل وارسم اشفاتي وانا من داخلي مكسور
يضيع الوقت قدامي .. .. .. الا يا جعلها خيره
اسافر في سما فكري واجمّع في عمار قصور
يروح الليل مانامت عيونٍ .. .. .. كلها حيره
تجيني خيبت الامال : دايم مّع مشق النور
اشوف الواقع المؤلم .. ولكن صعب تصويره
تطيح افكار من ذهني بحكم ظروفها : مجبور
لاصار الحظ مايخدم .. سوى حفرا و دحديره
طلبت الواحد المعبود يرزقني .. برزق طيور
له الشكر .. وَله المنّا .. له الحمد .. بَتدابيره
خلق سبع السماوات واراضيها وسبع بحور
ولا هو عاجزٍ عني .. .. .. ولا يحتاج تفسيره
ولو طالت مشاويري تراني بالكفن محشور
على الاعمال بتحاسب .... وفالميزان تقديره
ولو تنظر على الدنيا بتلقاها ؛ متاع ٰغرور
كثير اللي ركض فيها وشاف ايامها قصيره
#بداح_الشويب
آخر المشاركات
09-10-2015, 09:14 AM
متاع غرور / بداح الشويب
العرض الشجري