جمر الشعور

[رضا الهاشمي]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اذا اتمعنت ف ابطونٍ ركيدة = مليت الفكر أنهار ٍ عديدة
أهيجها واناثرها سرايف = كنثر الغيم للقطر الزغيدة
يسولف عن قصيدي كل شاعر = وتكتبني مع الشعر القصيدة
مخاير في بحار الشعر تجري = مراكب من خيالات شريدة
كما شرد المها في سيح وحل = تباغتها الفهود وهي طريدة
يقول الهاشمي ما هاض يوفه = وبيل وما زخر وسط الكبيدة
ركايز فكر كالطود الموطد= يشد خيمة ولي شعري و سيده
على جمر الشعور أمسى خيالي = حطب آشب به نارٍ وقيدة
أسرّج خيل تخيالي مطالع = كما شهب الشياطين الوعيدة
جزايل بارزات راجلات = تلوح بسيفها وسط الشديدة
تفنن بارتجالي كالمقاتل = اذا دوّر حواليه الحديدة
بحر شعري خيالي زبده اللي = يغطي ما تخفى من مزيده
أخاف اكشفه واتبين جزايل = كدر الحص جيوانٍ فريدة
واخاف من الحسد يلقف قريضي = فيا ذاك الخلاص من الحسيدة
أذب البخل عن مرقوع زهدي = وأضمّ الجود لله و عبيده
ذنوبي مالها من سخط ربي = خلاص ولا لها أية مكيدة
ذنوبي مثل دعثار البراري = وكاد اتشلّ هالكون وتبيده
يقول اللهِ يعفو غير شرك ٍ = به وهذا إلاهي ما أريده
وصال الرحم متغير علينا =على الوتساب كلٍ له جديده
اذا خفت الفقر وجهت عيني = إلى رب السماوات اللبيدة
نصايح من فلذ شخصٍ حمل له = ع جيده نايبات وهدّ جيده
نصايح وافراتٍ بايعاتٍ = لك اوعوظٍ حكيمات ٍ سديدة
تفكّر في حواضر عز وقتك = وهدّ الفكر بالعمر و مديده
وشيل الفكر عن وطر تقفّى = ولا تحزن على الماضي وتعيده
واذا لك أم متكدر خفاها = عليك إنك تخليها سعيدة
جليل امصيبتك لي في حياتك = تكاد من القرايب تستعيده
يقرب احزان من أطفال قلبي = وقلبي ايظن أحزاني بعيدة
تقول الروح كلما زاد همها = أود أموت فالدنيا شهيدة
واذا زاد الفرح وانزاح غمها = تبا الدنيا وتحسبها خليدة
يعيش الهم في الدنيا مدايد = ويغدي م الكمد حظي فقيدة
محبّ الآخره ينهار عمره = وكم للشرّ أرواح ٍ وطيدة
شرات الظل تمسي لك حياتك = ولمس الظل ما تقدر تصيده
ولكن هي تريد وما تريده = يرد لله ويفعل ما يريده
كتبت الشعر أزهم به خواطر = مهو لجل النشر وسط الجريدة
خلايص م الشهد من نحل ٍ أزهى = من ازهور البساتين الرغيدة[/poem]