الشيخ مطلق بن حمدان العتيبي

[عبدالله البطي]

المدح في غير المسمين مذموم
ماله سنع لاصار ماهو لشرواك
طيبك علي وجه الرجاجيل موسوم
ماتبلشه دنياه من هو تعزواك
حلحيل يافكاك الانشاب زيزوم
حليت عسرات الليالي بيمناك
من لا كسب عرفك عن الخير محروم
والعز باري خطو رجلك وممشاك
شيمت نفسك عن ردا كل مليوم
وعفيت عن مخطي بسوه تبلاك
من حر مالك ساخي لكل مضيوم
نادر بوصفك زاهياتن سواياك
فكيت غبه تضرس بصدر مهموم
من هولها ياشيخ سودا بلياك
لو لا جمايلك الكبيره غدن ظوم
مالك شبيه وناقياتن نواياك
بالجو لو دارت غرابيلها حوم
طيرك هداد وسطوته تشبه ارضاك
قلته وانا في مدح مثلك فلا الوم
يلي تمثل لابة بطيب مسعاك
ماهي علي العتبان صعبة وهي دوم
متوارثه وافعالهم فوق الافلاك
واخص مطلق شيخ لاصاحوا القوم
لبا الندا واقدم يحله ليا حاك
تاريخهم يبقي معي دايم الدوم
واذا نخيت ابعد مطاليقهم جاك
الضيف في عزه مقدر ومحشوم
وصيتن من عود بالعز رباك
تمت وصل الله علي مشرع الصوم
جعلك تغانم من شفاعته لانجاك
مدحن علي غير المسمين مذموم
ماله سنع لاصار ماهو لشرواك