مدينة من سحاب

[مريم النقبي]

السلام عليكم ورحمة الله وبركاته ..

هنا .. أضع أول بصماتي الشعرية لأبعاد الإبداع والمبدعين ..



مدينة من سحاب


بين عمر الطفوله وبين عمر النضوج ..
قمت أعيد الأماني .. وأستعيد الخيال ..


كان حلمي .. مدينه من سحاب وثلوج ..
كان عمري .. حديقه من ورود وجمال ..


كان لي قلب أخضر كاخضرار المروج ..
كان لي عمر وردي غارقٍ بالدلال ..


كنت أشيّد بحلمي ناطحات وبروج ..
ومات حلمي مكانه فوق سطح الرمال ..


أشعر بوسط صدري حلم عمرٍ يضوج ..
ملّ كثر الأماني .. و ضاق فيه المجال ..


بين ليلٍ سكنّي وشمس ترفض بلوج ..
ضاعت أحلام عمري بين صعب ومحال ..


يا غرامي المعتّق .. يا أساس الهروج ..
كل حكايات عمري .. فيك تضرب مثال ..


إنت سرٍّ مخبّأ في قصيد الدروج !
وأجمل أسرار عمري دون شك وجدال !


ما تزعزع غلاتك قول فضٍّ لجوج !
ولا يغيّر غرامي هادمين الوصال !


انت حلم الطفوله..وانت حلم النضوج ..
وواقعٍ عاش فيني ..ما تعدّى الخيال !

مريم النقبي ( سجايا الروح )